Satpuda Sugar Factory: शेतकऱ्यांच्या उसाचे पेमेंट नऊ महिन्यापासून थकीत; शहाद्याच्या साखर कारखान्याविरोधात करणार आंदोलन

सागर निकवाडे 
नंदूरबार : ऊस तोडणी केल्यानंतर शेतकरी आपला ऊस साखर कारखान्याकडे नेत असतात. ऊस खरेदी करून साखर कारखानदार (Sugar Factory) शेतकऱ्यांचे पेमेंट थकीत ठेवत असतात. असाच प्रकार (Shahada) शहादा येथे घडला असून, गेल्या ऊस खरेदी करायला नऊ महिने झाल्यानंतर देखील अद्याप पैश्यांसाठी फिरवाफिरव करत आहेत. (Latest Marathi News)

शहादा येथील सातपुडा सहकारी साखर कारखाना नागाई शुगर या कंपनीने चालवण्यासाठी घेतला आहे. सदर कारखान्याला जिल्ह्यातील आणि शहादा तालुक्यातील शेतकऱ्यांनी ऊस दिला होता. सदर शेतकऱ्यांना गेल्या नऊ महिन्यापासून उसाचे पेमेंट न मिळाल्याने (Farmer) शेतकरी आर्थिक अडचणीत सापडला आहे. कंपनीच्या संचालकांकडून शेतकऱ्यांना वारंवार आश्वासन देऊनही त्यांचे थकीत पेमेंट देण्यात आलेले नाही.  

तर बेमुदत उपोषण 

शेतकरी या प्रकाराला कंटाळले असून येत्या १६ तारखेपर्यंत शेतकऱ्यांना थकीत पेमेंट देण्यात आले नाही. तर नंदुरबार जिल्हाधिकारी कार्यालयासमोर आमरण उपोषणाला बसण्याचा इशारा शेतकऱ्यांनी दिला आहे. या आंदोलनात जिल्ह्यातील पेमेंट थकीत असलेले शेकडो शेतकरी आपल्या परिवारासोबत जिल्हाधिकारी कार्यालयाच्या आवारात आमरण उपोषण करणार असल्याचा इशारा शेतकऱ्यांनी दिला आहे.