Nandurbar Accident News: भरधाव ट्रकने दुचाकीस्वाराला फरफटत नेले; दुचाकीस्वाराचा जागीच मृत्यू 

सागर निकवाडे 
नंदूरबार : भरधाव वेगाने जात असलेल्या ट्रकने दुचाकीला जोरदार धडक दिली. यानंतर दुचाकीस्वराला (Nandurbar) ट्रक चालकाने दूरपर्यंत फरफटत नेले. या भीषण अपघातात (Accident) दुचाकीस्वाराचा जागीच मृत्यू झाला आहे. तर अन्य एक गंभीर जखमी आहे. (Latest Marathi News)

नंदूरबार जिल्ह्यातील शहादा शहरातील नंदुरबार रस्त्यावर सदर अपघात आज सकाळी घडला आहे. शहादा नंदुरबार मार्गावर झालेल्या अपघातात एका दुचाकीस्वाराला भरधाव वेगाने जाणाऱ्या ट्रकने फरफटर नेले. यात शहादा येथील मुसेब तेली या युवकाचा जागीच मृत्यू झाला आहे. तर एक जण गंभीर झाल्याची घटना घडली आहे. सदर अपघातानंतर परिसरातील नागरिकांची गर्दी जमली होती. यानंतर जखमीला रुग्णालयात दाखल करण्यात आले आहे. 

पाठलाग करत ट्रक चालकाला पकडले 

अपघातानंतर ट्रक चालक हा ट्रक घेऊन पसार झाला होता. मात्र पोलिसांनी सुमारे ६० किलोमीटर पाठलाग करीत ट्रक चालकाला ताब्यात घेतले आहे. यानंतर गुन्हा दाखल करण्याची प्रक्रिया सुरु होती.