Navapur Accident News: एकुलता एक मुलगा गेल्‍याने कुटुंबाचा आधार गेला; नवापूरला भीषण अपघातात युवकाचा मृत्‍यू

नवापूर (नंदुरबार) : राष्ट्रीय महामार्गावर नवापूर- धुळे रस्त्यावर बुधवारी (२८ जून) दुपारी तीनला भीषण अपघात (Accident) झाला. मोटारसायकलस्वार युवक जागीच ठार झाला. युवक विसरवाडीजवळील बालआमराई (ता. नवापूर) येथील (Navapur) रहिवासी असून, एकुलता मुलगा अपघातात गेल्याने गावित परिवारासह बालआमराई गावावर शोककळा पसरली आहे. (Live Marathi News)

सुरतकडून धुळ्याकडे जाणारा ट्रक आणि मोटारसायकल यांच्यात अपघात झाला. ही घटना नवापूर तालुक्यातील सावरट गावालगत घडली असून, मोटरसायकल चालक महेंद्र अमृतसिंग गावित जागीच ठार झाला. स्थानिक पोलिसांना माहिती मिळताच घटनास्थळी दाखल झाले. पोलिसांनी (Police) तत्काळ रुग्णवाहिकाचालक लाजरस गावित यांच्या मदतीने जिल्हा रुग्णालयात मृतदेह आणण्यात आला होता.

महामार्गावर पडल्‍या चाऱ्या

राष्ट्रीय माहामार्गाचे चौपदरीकरणाचे काम सुरू आहे. अवजड वाहनांमुळे या रस्त्यावर उन्हाळ्यात चाऱ्या पडल्या आहेत, काही भागात रस्ता दाबला गेल्याने चाऱ्या पडल्या आहेत. या चाऱ्यांमुळे लहान चारचाकी वाहनांना अडचणी येतात. त्यात दुचाकी वाहन चालविणे अवघड होते. या चाऱ्यांमुळे वाहनचालकांचा वाहनावरील ताबा सुटतो. यात अपघात होण्याची शक्यता जास्त होते.