Nandurbar News: रेशन मिळत नसल्याने ग्रामस्थ संतप्त; भर पावसात काढला मोर्चा

सागर निकवाडे 
नंदूरबार : नंदुरबार जिल्ह्यातील अक्कलकुवा तालुक्यातील अतिदुर्गम भागात असणाऱ्या बिजरी गव्हाण येथील (Ration) रेशन दुकानदार गेल्या सहा ते सात महिन्यापासून ग्रामस्थांना रेशनच देत नाही. यामुळे संतप्त ग्रामस्थांनी ग्रामपंचायतीवर (Gram Panchayat) मोर्चा काढला. (Latest Marathi News)

रेशन मिळत नसल्याने थेट नंदुरबार जिल्हाधिकारी यांच्यापर्यत पाठपुरावा करुन देखील न्याय मिळत नसल्याने गावकऱ्यांनी या मोर्चातून आपला रोष व्यक्त केला. गेल्या सहा महिन्यात गावात फक्त एकदाच रेशन वाटप झाल्याचा आरोप ग्रामस्थांनी केला आहे. या रेशन दुकानदाराचे परवाना तात्काळ स्थगीत करुन अन्य यंत्रणेमार्फत रेशन लागलीच उपलब्ध करुन देण्याची मागणी यावेळी मोर्चेकऱ्यांनी केली.

अपुरे रेशन देवून पुर्ण (Nandurbar) रेशनवर सही घेणे, महिनोमहिने रेशनचा पुरवठा न करणे. अशा अनेक तक्रारी निवेदनातून ग्रामस्थांनी केल्या आहे. भरपावसात निघालेल्या या मोर्चातील ग्रामस्थांच्या उपस्थितीमुळे याठिकाणच्या रेशन दुकानदारांच्या वर झालेले आरोप पाहता याबाबत प्रशासनाने शहानिशा करने आवश्यक असल्याच मत व्यक्त केल्या जात आहे.