Nandurbar News: सोने मिश्रित माती चोरीचा उलगडा; आंतरराज्यीय टोळीकडून १० लाखांच्या मुद्देमाल जप्त

सागर निकवाडे

नंदूरबार : नंदूरबार शहरातील सराफा बाजारातील कारागिरांच्या दुकानातून साडेतीन ते चार लाख रुपये किंमतीची (Gold) सोने मिश्रित माती चोरून नेणाऱ्या चौघांना (Nandurbar) नंदुरबार एलसीबीच्या पथकाने अटक केली आहे. त्यांच्याकडून १० लाखांचा मुद्देमाल जप्‍त केला आहे. (Maharashtra News)

नंदुरबारमधील सराफा बाजारात अनेक कारागिर काम करत असतात. सराफा बाजारातील दुकानांमधून सोने मिश्रीत मातीची चोरी झाली होती. याचा तपास करत पोलिसांनी ताब्यात घेतलेल्या संशयीत आरोपींनी महाराष्ट्र व इतर कोणत्या राज्यात अशा प्रकारचे गुन्हे केलेले आहेत का? याबाबत सखोल तपास करण्यात येत आहे.

चोरी केलेली सोने मिश्रित माती, कार व मोबाईल असा एकूण १० लाख ३९ हजार २०० रुपये किमतीचा मुद्देमाल जप्त करण्यात आला. पोलिस पथकाने ४ लाख रुपये किमतीची ८.३८८ किलोग्रॅम सोने मिश्रित माती, ३१ हजार रुपये किमतीचे चार मोबाईल, ८ हजार २०० रुपये रोख, ६ लाख रुपये किमतीची पांढऱ्या रंगाची एक कार असा एकूण १० लाख ३९ हजार २०० रुपये किमतीचा मुद्देमाल जप्त करण्यात आला आहे.