जुन्या वादातून दोन गटात धारदार शस्त्रांनी हाणामारी; महिलेसह पुरुष जखमी

नंदुरबार : धडगाव तालुक्यातील आमला गावात गणेश विसर्जन मिरवणूक संपल्यानंतर शाब्दिक चकमकीनंतर दोन गटांमध्ये धारदार शस्त्रांनी तुफान (Crime) हाणामारी झाली. पोलिसात (Police) तक्रार केल्याच्या रागावरून दोन्ही गटांमध्ये जुना वाद होता. (Nandurbar Crime News)

आमला गावातील गणपतीचे विसर्जन (Ganesh Visarjan) झाल्यानंतर घरी परत येत असताना गेंदा रस्त्यावर दोन्ही गटांमध्ये शाब्दिक चकमकीचा वाद उफाळल्यानंतर दोन्ही गटांनी समोरासमोर येऊन धारदार शास्त्रांनी तुफान हाणामारी झाल्याचा (Nandurbar) गंभीर प्रकार समोर आला आहे. यामध्ये महिला व काही पुरुष गंभीर जखमी झाले आहे. जखमींना धडगाव ग्रामीण रुग्णालयात (Hospital) उपचारासाठी दाखल करण्यात आले असून. सदर प्रकरणांमध्ये जीवघेणा हल्ला करून गंभीर दुखापत करून. जीवे ठार मारण्याचा प्रयत्न केल्यामुळे सात जणांविरुद्ध धडगाव पोलीस ठाण्यात गुन्हा दाखल करण्यात आला आहे.

पंधरा दिवसांपुर्वीच्‍या तक्रारीचा राग

पंधरा दिवसांपूर्वी प्रकरणातील फिर्यादी यांनी आरोपींच्या विरोधात तक्रार केली होती. त्याचा राग मनात धरून शाब्दिक चकमक झाली. त्याचे रूपांतर तुफान हाणामारीत रूपांतर झाल्याने. धारदार शस्त्रांनी केलेल्या मारहाणीत महिलेसह पुरुष गंभीर जखमी झाले आहे.