Accident News: पुलावरील कठडा तोडून ट्रॅक्‍टर हवेत लटकले; उसाने भरलेला ट्रॅक्टरचा तापी पुलावर अपघात

सागर निकवाडे

नंदुरबार : क्षमतेपेक्षा अधिक ऊस असल्याने वाहन चालकाचा ताबा सुटल्याने तापी नदीच्या कठळे तोडून ट्रॅक्टरच्या पुढचा भाग तापी नदीच्या (Tapi River) पुलावरून नदीपात्रात दिशांनी उभा राहिला आहे. (Maharashtra News)

उसाचा गाळप हंगाम सुरू असल्याने मोठ्या प्रमाणावर ऊस कारखान्यावर पोहोचवला जात आहे. मात्र ऊस घेऊन जाणारे वाहन क्षमतेपेक्षा अधिक वाहतूक होत असल्याने अपघाताचे प्रमाण देखील वाढला आहे. आयन एलएलपी साखर कारखाना येथे घेऊन जाणाऱ्या एका ट्रॅक्टरच्या अपघात झाला आहे. या अपघातात कोणीही जखमी झालेला नाही. मात्र अपघातामुळे वाहतूक कोंडी झाली होती.

ऊस वाहतूक करणाऱ्या वाहनांचे अपघात दिवसागणित वाढत आहे. मात्र संबंधित आरटीओ विभाग याकडे सर्रास दुर्लक्ष करत असल्याचे दिसून येत आहे. मात्र एखादा मोठा अपघात होण्याची वाट पाहत आहे का? असा देखील प्रश्न आता नागरिकांकडून केला जात आहे.