सागर निकवाडे
Nandurbar Crime News: रेल्वे प्रवाशांना चाकूचा धाक दाखवत लुटमार करण्याऱ्या टोळीतील तीन जणांना नंदुरबार लोहमार्ग पोलिसांनी अटक केली आहे. रेल्वे प्रवासादरम्यान अनेक प्रवाशांची लूटमार होत असते. अशीच एक घटना जळगाव जिल्ह्यातील पाळधी येथे ८ तारखेला घडली. (Latest Nandurbar Crime News)
मिळालेल्या माहितीनुसार, पाच जणांनी रेल्वे प्रवाशांना चाकूचा धाक दाखवत प्रवाशांकडून रोख रक्कम १७ हजार व आधार कार्ड, पॅन कार्ड हिसकावून घेतले आणि ते फरार झाले होते. त्यानंतर नंदुरबार लोहमार्ग पोलीस ठाण्यात याबाबत अज्ञाताविरुद्ध गुन्हा दाखल करण्यात आला होता. त्या अनुषंगाने वरिष्ठांच्या आदेशानुसार लोहमार्ग पोलिसांचे पथक तयार करण्यात आले होते.
लोहमार्ग पोलीस पथकाने आरोपींचा शोध घेत टोळीतील तिघांना अटक केली आहे. तसेच त्यांच्या ताब्यातून १७ हजाराची रोख रक्कम हस्तगत करण्यात आली आहे. पुढील दोन आरोपींचा शोध सुरू असल्याची माहिती सहाय्यक पोलीस निरीक्षक रमेश वावरे यांनी दिली.
नंदुरबारमध्ये चोरीच्या घटनांचे प्रामाण मोठ्या प्रमाणावर वाढले आहे. काही दिवसांपूर्वी येथे प्रेट्रोल चोरट्यांचा सुळसूळाट सुटला होता. देशभरात पेट्रोलचे दर गगनाला भिडले आहेत. पेट्रोल चोरीच्या घटनेत मोठ्या प्रमाणात वाढ झाल्याच्या अनेक घटना परिसरात घडत आहेत. अशीच एक पेट्रोल चोरीची घटना विसरवाडी सारख्या ग्रामीण भागातील तलाठी कार्यालयाजवळ शिवमंदिर परिसरात रात्री २ वाजेच्या सुमारास घडली. घरासमोर लावण्यात आलेल्या सीसीटीव्हीत पेट्रोल चोरीची घटना कैद झाली.
या ठिकाणी पेट्रोल चोरीसाठी हा चोरटा गेला आणि घरासमोर उभी मोटारसायकलीतून खाली बसून पेट्रोल चोरी करतानाचा घटनाक्रम सीसीटीव्हीत कैद झाला.या घटनेचा व्हिडिओ सोशल मीडियावर त्यावेळी जोरदार व्हायरल झाला होता.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
