Nandurbar : ग्रामपंचायतीच्‍या बँक व्‍यवहारांचे मागितले स्‍टेटमेंट; पंचायती राज समिती

नंदुरबार : अक्कलकुवा येथील ग्रामपंचायतीत झालेल्या महाभ्रष्टाचाराबाबत अद्यापपर्यंत गुन्हा का दाखल झाला नाही? असा सवाल पंचायती राज समितीने आजच्‍या बैठकीत उपस्‍थीत केला. तसेच ग्रामपंचायतींच्‍या बँक व्‍यवहारांचे स्‍टेटमेंट देखील समितीने मागितले आहेत. (nandurbar-news-Requested-Statement-of-Gram-Panchayat-Bank-Transactions-Panchayati-Raj-Samiti)

अक्कलकुवा पंचायत समिती अंतर्गत असलेले सर्व खातेनिहाय आढावा पंचायत राज समिती सदस्यांनी घेतला असून अक्कलकुवा येथील ग्रामपंचायतीत झालेल्या महाभ्रष्टाचाराबाबत अद्यापपर्यंत गुन्हा का दाखल झाला नाही? अक्कलकुवा ग्रामपंचायत कार्यालायातील संगणक कक्ष कार्यान्वित नाही. तसेच तेथील ग्रामपंचायतीच्या परिसरात असलेल्या टॉयलेटची तपासणी केली असता अत्यंत दुरावस्थेत आढळून आले.

मोठा भ्रष्‍ट्राचार

ग्रामपंचायतीच्या १४ वित्त आयोगाच्या निधीची माहिती सादर करण्याचे आदेश देण्यात आले. सोबतच ग्रामपंचायत कार्यालयात दप्तराची चोरी झाली; याबद्दल अक्कलकुवा पोलीस ठाण्यात अद्यापपर्यंत गुन्हा का दाखल करण्यात आला नाही. याबद्दलची माहिती मागितली. अक्कलकुवा ग्रामपंचायतीचे सुरूवातीपासून तर आजपर्यंतच्या बँक व्यवहारांचे स्टेटमेंटची मागणी पंचायत राज कमिटीच्या सदस्यांनी केल्याने पुन्हा नंदुरबार जिल्ह्यातील अक्कलकुवा पंचायत समिती आणि ग्रामपंचायत अंतर्गत असलेल्या विविध कामांचा भ्रष्ट्राचार बाहेर येण्याची शक्यता वर्तवली जात आहे.