नंदुरबारमधील मुख्य हजरत इमाम बादशाहचा उरुस यंदा रद्द

नंदुरबार : कोरोनाच्या पार्श्‍वभूमीवर यावर्षी देखील मोहरमनिमित्त भरणारा इमाम बादशाहचा ऊरुस रद्द करण्यात आला आहे. सदरचा निर्णय हजरत सैय्यद अलाउद्दीन (इमाम बादशाह रहे) दर्गाचे अध्यक्ष समीउल्लाह मियाँ अब्दुलमियाँ जहागिरदार यांनी घेतला आहे. (nandurbar-news-Hazrat-Imam-Badshah-Urus-Nandurbar-canceled-this-year)

नंदुरबार येथे मोहरमनिमित्त इमाम बादशाहचा ऊरुस भरत असतो. राज्यासह गुजरात, मध्यप्रदेश राज्यातील भाविक दर्शनासाठी येतात. मागील वर्षापासून कोरोनामुळे शासनाने यात्रोत्सव रद्द केल्याने नंदुरबार येथील हजरत इमाम बादशाहचा ऊरुस मागील वर्षी रद्द करण्यात आला होता. यावर्षी कोरोनाची परिस्थिती पाहता खबरदारीच्या दृष्टीने मोहरमनिमित्त भरणारा यंदाचा ऊरुस देखील रद्द करण्याचा निर्णय हजरत सैय्यद अलाउद्दीन उर्फ इमाम बादशाह दर्गाचे अध्यक्ष समीउल्लाह मियाँ अब्दुलमियाँ जहागिरदार यांनी घेतला आहे.

पोलिस दलाकडून कौतुक

कोरोनाचा प्रादुर्भाव सध्‍या कमी असला तरी ऊरूस रद्दबाबत जिल्हा पोलीस विभागाला पत्र देवुन कळविले आहे. या निर्णयाचे जिल्हा पोलीस दलाच्यावतीने कौतुक करण्यात आले आहे.