Nandurbar News : विधानसभेत पिता-पुत्र आमनेसामने; शहादा- तळोदा मतदारसंघात रंगणार लढत

सागर निकवाडे 

नंदुरबार : विधानसभा निवडणुकीचा बिगुल वाजल्यानंतर पक्षांकडून उमेदवारी निश्चिती केली जात आहे. मात्र अद्याप कोणत्याही मतदार संघाचे चित्र अद्याप स्पष्ट झालेले नाही. परंतु शहादा तळोदा मतदार संघात पिता- पुत्राची लढाई पाहायला मिळणार आहेत. यामुळे ही लढत अगदी चुरशीची होण्याची शक्यता निर्माण झाली आहे.  

नंदुरबार (Nandurbar News) जिल्ह्यातील शहादा- तळोदा मतदार संघाचे माजी आमदार उदयसिंग पाडवी यांनी आपल्याच पुत्रा विरोधात विधानसभा निवडणूक लढवण्यासाठी काँग्रेसकडून उमेदवारीची मागणी केली आहे. २०१९ च्या विधानसभा निवडणूक (BJP) भाजपच्या वतीने उदयसिंग पाडवी यांचे तिकीट कापण्यात आले होते. त्यानंतर त्यांचेच पुत्र राजेश पाडवी यांना भाजपने तिकीट दिले होते. मात्र नाराज झालेले उदयसिंग पाडवी यांनी थेट काँग्रेसमध्ये (Congress) प्रवेश करत आदिवासी विकास मंत्री डॉ. विजयकुमार गावित यांच्या विरोधात नंदुरबारमधून निवडणूक लढवली होती. मात्र त्यांना यश मिळालं नाही.  

आता पुन्हा एकदा उदयसिंग पाडवी हे निवडणुकीच्या रिंगणात असून त्यांनी आता शहादा- तळोदा मतदार संघातून निवडणूक लढवण्याची तयारी सुरू केली आहे. या मतदारसंघात आता पिता- पुत्राची लढाई पाहायला मिळणार आहे. तर ही पिता पुत्राची लढाई नसून विचारांची लढाई असल्याचं माझी आमदार उदयसिंग पाडवी यांनी म्हटल आहे.