काश्मीर घाटीतील पंडितांच्या हत्येचा निषेध

नंदुरबार : काश्मीर घाटीमध्ये पंडितांच्या हत्येची घटना घडली. या घटनेच्‍या विरोधात नंदुरबारमध्ये विश्व हिंदू परिषद बजरंग दलाच्‍यावतीने निषेध आंदोलन केले. तसेच पाकिस्‍तानला सडेतोड उत्‍तर देण्याबाबत निवेदन देण्यात आले. (nandurbar-news-bajarang-dal-Protest-against-the-killing-of-Pandits-in-Kashmir-Valley)

काश्मीर घाटीत सात भारतीय नागरिकांची केली गेलेली हत्या, तसेच नवरात्रीच्या सुरुवातीलाच झालेल्या शिख महिला शिक्षिकेच्‍या हत्येच्या निषेधार्थ नंदुरबार शहरातील सुभाष चौक येथे विश्व हिंदू परिषद बजरंग दल कार्यकर्त्यांच्यावतीने तीव्र चिंता व आक्रोश व्यक्त करीत निदर्शने करण्यात आली. यासंदर्भात जिल्हाधिकार्‍यांना निवेदन सादर करून जिहादी आतंकवादाचा पूर्णतः विनाश करण्यासाठी पाकिस्तानला 'न भूतो न भविष्यती' असे उत्तर द्यावे. तसेच हिंदू पंडितांना काश्मीर घाटीत पुनर्स्थापित करून स्वच्छंदी जीवन जगण्यासाठी सुयोग्य व्यवस्था प्रस्थापित करावी; अशी मागणी केंद्र सरकारकडे करण्यात आली.