Nandurbar Accident : यात्रेवरून परणाऱ्या वाहनाला अपघात; १५ भाविक जखमी

तळोदा (नंदुरबार) : नंदुरबार जिल्ह्यात सुरु झालेल्या अस्तंबा यात्रेत दर्शन घेऊन घरी परत जाणाऱ्या वाहनाचा अपघात झाला. या अपघातात १५ जण जखमी झाले. सुदैवाने अपघात झालेल्या ठिकाणी शेकडो फूट खोल दरीत असून वाहन यात न गेल्याने प्रवासी बचावले आहेत. या प्रकरणी तळोदा पोलिस ठाण्यात वाहनचालकावर गुन्हा दाखल करण्यात आला.

नंदुरबार (Nandurbar) जिल्ह्यातील सातपुड्याच्या सर्वात उंच असलेल्या शिखरावर अस्तंबा ऋषींच्या यात्रोत्सवाला सुरवात झाली आहे. या यात्रेला दूरवरून भाविक दर्शनासाठी येत असतात. त्यानुसार गाडी करून आलेल्या भाविकांचा चमू यात्रेत दर्शन करून १५ भाविक वाहनाने घरी परतत होते. या वेळी समोरून आलेल्या वाहनामुळे चालकाचे वाहनावरील नियंत्रण सुटल्याने वाहन रस्त्याच्या कडेला उतरून वाहनाला (Accident) अपघात झाला. 

१५ जण जखमी 

या अपघातात वाहनातील किरण पाडवी, हर्शल ठाकरे, मुकेश रावताळे, मुन्ना पाडवी, प्रशांत पाडवी, अजय रावताळे, प्रवीण वळवी, अभिमन्यू पाडवी, राहुल पवार, राजदीप पाडवी, शेखर पवार, अर्पण पाडवी, यशवंत पाडवी, यहान पाडवी (सर्व रा. करडे, ता. तळोदा) हे १५ भाविक जखमी झाले. जखमींना तळोदा उपजिल्हा रुग्णालयात दाखल करण्यात आले, तर काही जखमींना नंदुरबार जिल्हा शासकीय रुग्णालयात दाखल करण्यात आले. दरम्यान वाहन चालकाविरुद्ध गुन्हा नोंदविण्यात आला. पोलिस निरीक्षक राजू लोखंडे तपास करीत आहेत.