Cyber Crime : शेअर बाजारात गुंतवणुकीतुन अधिक नफ्याचे आमिष; तरुणाची ४३ लाखांत फसवणुक

जळगाव : शेअर मार्केटमध्ये गुंतवणूक केल्यास मोठा फायदा होईल; असे सांगून जळगाव शहरातील एका तरुणाची ४३ लाख २२ हजार ६५३ रुपयांमध्ये ऑनलाइन फसवणूक झाली आहे. या प्रकरणी जळगाव सायबर पोलिस ठाण्यात गुन्हा दाखल करण्यात आला असून या प्रकरणी सायबर पोलिसांकडून तपास सुरु करण्यात आला आहे. 

जळगाव (Jalgaon) शहरातील निवृत्तीनगरामधील तरुणाला ३ सप्टेंबर ते २८ ऑक्टोबरदरम्यान व्हॉट्‌सॲपवरून अनन्या वर्मा आणि पुनीत भाटिया यांनी संपर्क साधला. त्यांनी आयपीओमध्ये पैसे गुंतविल्यास मोठ्या प्रमाणावर फायदा होईल, (Cyber Crime) असे सांगून शेअर बाजाराचे ऑनलाइन आलेख दाखविणारे बनावट ॲप डाउनलोड करण्यास भाग पाडले. त्या माध्यमातून तरुणाला ऑनलाइन पैसे गुंतवणूक करण्यास सांगितले. गुंतवणुकीवर सुरुवातीला आभासी नफा दाखविला. 

मात्र मी वेळेत श्रीमंत होण्याचा मार्ग सांगत दोघांनी पुन्हा ऑनलाइन रुपये गुंतवणूक करण्यास सांगितले. असे सुमारे तब्बल ४३ लाख २२ हजार ६५३ रुपये ऑनलाइन स्वीकारले. गुंतवणूक केल्यानंतर कुठलाच परतावा मिळाला नाही. यामुळे आपली फसवणूक झाल्याचे लक्षात आल्यानंतर तरुणाने सायबर पोलिस ठाण्यात अनन्या वर्मा आणि पुनीत भाटिया यांच्याविरोधात गुन्हा दाखल झाला आहे. पोलिस निरीक्षक नीलेश गायकवाड तपास करीत आहेत.