सागर निकवाडे
नंदुरबार : राज्यात हाहाकार माजविला असून रात्रीच्या सुमारास नवापूर तालुक्यात अतिवृष्टी झाली. सुरतहून भुसावळकडे जाणारी वाहतूक आज सकाळी बंद करण्यात आली होती. गुरुवारी रात्री झालेल्या मुसळधार पावसामुळे चिंचपाडा रेल्वे स्थानक परिसरात रुळावर पाणी व मातीचा भराव वाहून आल्याने यात मालवाहू गाडी अडकल्याने सुरत- भुसावळ रेल्वे सेवा पूर्णपणे विस्कळीत झाली आहे.
नंदुरबार (Nandurbar) जिल्ह्यातील नवापूर तालुक्यासह चिंचपाडा परीसरात रात्रीच्या सुमारास जोरदार पर्जन्यवृष्टी झाली आहे. यामुळे सुरत- भुसावळ रेल्वे मार्गावर रेल्वे प्रशासनाचा बोजवरा उडाला आहे. कोळदे ते चिंचपाडा दरम्यान रेल्वे ट्रॅकवर प्रचंड पाणी व रेल्वे रुळावर मातीचा भराव वाहून आला आहे. (Navapur) यामुळे चिंचपाडा रेल्वे स्थानकाजवळ मालवाहू रेल्वे गाडी रेल्वे रुळावर मातीमध्ये रुतली आहे. रुळावर वाहून आलेला मातीचा भराव काढण्याचे काम युद्ध पातळीवर सुरु करण्यात आले आहे.
चिंचपाडा रेल्वे स्थानकाजवळ महामार्गाच्या उड्डाणपुलाच्या पुलाखाली रेल्वे मार्गाला कोणतीही संरक्षण भिंत नसल्यामुळे पावसाचे पाणी मोठ्या प्रमाणात वाहून आले. तसेच पाण्यासोबत मातीचा ढिगारा देखील वाहून आला आहे. त्यामुळे (Railway) रेल्वे रुळावर पाणी मोठ्या प्रमाणात साचले त्यासोबत रेल्वे रुळावर माती आल्याने रेल्वे रुळ माती खाली गेल्याने रेल्वे मालगाडी रेल्वे रुळावर चिंचपाडा गावाजवळ अडकल्याने सुरत भुसावळ रेल्वे मार्गावर रेल्वे सेवा विस्कळीत झाली आहे. परिणामी या मार्गावरील अनेक रेल्वे गाड्या या विविध स्टेशनवर थांबून आहेत. गेल्या तीन ते चार तासांपासून रेल्वेची वाहतूक झाली आहे बंद आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.