Nanded News: मानूरच्या ग्रामस्थांना जायचाय तेलंगणात; का रहायचं नाही महाराष्ट्रात जाणून घ्या कारण

नांदेड : महाराष्ट्रातील सिमावर्ती भाग असलेले नागरिक तेलंगणा आणि कर्नाटक (Karnataka) जाण्याची इच्छा व्यक्त करण्याचे प्रमाण काही केल्या कमी होताना दिसत नाही. त्यात महाराष्ट्र सरकारनेही महाराष्ट्रातील सिमावर्ती भागातील गावांतील नागरिकांच्या समस्यांकडे फारसे गांभीर्याने घेतले नसल्याने नांदेड (Nanded) जिल्‍ह्यातील देगलूर तालुक्यातील मानूर येथील गावकऱ्यांनी तेलंगणात जाण्याची परवानगी द्यावी अशी मागणी केली. (Tajya Batmya)

देगलूर तालुक्यातील मानूर हे गाव तेलंगणा आणि कर्नाटक सिमेवर आहे. एक किलोमीटर अंतरावर कर्नाटक आणि दिड किलोमिटर अंतरावर तेलंगणा राज्य आहे. महाराष्ट्रापेक्षा दोन्ही राज्यात सोई सुविधा, सरकारी योजना चांगल्या असल्याने मानूरचे ग्रामस्थ तेलंगणात (Talangana) जाण्याची मागणी करत आहेत.

सिमावर्ती भागातील गावांना खरचं महाराष्ट्रापेक्षा तेलंगणा, कर्नाटक राज्य का आवडत आहेत. याचा शोध महाराष्ट्रातील राज्यकर्त्यांना घेणे गरजेचे आहे. अन्यथा भविष्यात महाराष्ट्रात मोठा संघर्ष निर्माण होण्याची शक्यता आहे.