नांदेडमध्ये भाजपकडून विजयी रॅली; फटाक्यांची आतषबाजी

नांदेड : राज्यात देवेंद्र फडणवीस यांनी पुन्हा एकदा भाजपचे सरकार आणल्याने नांदेड शहरात आज भव्य आनंदोत्सव साजरा करण्यात आला. खासदार प्रताप पाटील चिखलीकर (Pratap Patil Chikhalikar) यांचे स्‍वागत करत विजयी रॅली काढली. (nanded news BJP holds victory rally in Nanded)

नांदेडचे (Nanded) खासदार प्रताप पाटील चिखलीकर आज मुंबईवरुन रेल्वेने आल्यानंतर भाजप (BJP) कार्यकर्त्यांनी चिखलीकरांचे जोरदार स्वागत केले. यावेळी फटाक्यांची आतषबाजी करत शहरातून भव्य विजयी रॅली काढत (Narendra Modi) नरेंद्र मोदी आणि देवेंद्र फडणवीस यांच्या विजयाच्या घोषणा कार्यकर्त्यांनी दिल्या. फडणवीस यांनी एकनाथ शिंदे यांच्या मदतीने सत्तांतारचा चमत्कार घडवून आणल्याची प्रतिक्रीया खासदार प्रताप पाटील चिखलीकर यांनी यावेळी दिली. रॅलीत मोठ्यासंख्येने भाजप कार्यकर्ते सहभागी झाले होते.