संजय सूर्यवंशी
नांदेड : नांदेड जिल्ह्यात मोबाईल चोरीच्या घटना मागील काही दिवसांपासून वाढल्या होत्या. याबाबत पोलिसात (Nanded) तक्रारी दाखल झाल्या होत्या. यावरून पोलिसांनी शोध सुरु केला असता १०२ चोरीचे मोबाईल पोलिसांनी (Police) हस्तगत केले आहेत. यानंतर हे मोबाईल नागरिकांना परत करण्यात आले. (Breaking Marathi News)
नांदेड जिल्ह्यात मोबाईल चोरीचे प्रमाण वाढल्याने स्थानिक गुन्हे शाखा आणि सायबर पोलीसांचे एक पथक निर्माण करण्यात आले होते. सायबर शाखेने तंत्रज्ञानाचा उपयोग करून आणि स्थानिक गुन्हे शाखेने वेगवेगळ्या कारवाया करत तब्बल १०२ मोबाईल (Mobile) फोन शोधून जप्त केले. १३ लाख ५० हजार रुपये किंमतीचे हे मोबाईल फोन आहेत.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
पोलीस अधीक्षकांच्या हस्ते आज ५४ नागरिकांना त्यांचे मोबाईल सुपूर्द करण्यात आले. मिळालेल्या सर्व मोबाईल फोनच्या आयएमईआय क्रमांकाची यादी नांदेड पोलिसांच्या वेबसाईटवर आहे. ज्यांचे मोबाईल असतील त्यांनी पोलीस अधीक्षक कार्यालयातील सायबर पोलीस स्टेशनमध्ये संपर्क करून मोबाईल नेण्याचे आवाहन पोलिसांतर्फे करण्यात आले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.