Nanded Crime News : पोलिसांवर तलवार उगारताच त्याच्यावर झाला बेछूट गाेळीबार, वाचा नांदेड शहरातील थरारक घटना

- संजय सूर्यवंशी

Nanded News :

नांदेड जिल्ह्यात पॅरोलवर बाहेर आलेल्या आरोपीने शेजाऱ्यासोबत भांडण केले. या भांडणात शेजाऱ्याचा हृदयविकाराने मृत्यू झाला. या घटनेची तक्रार झाल्यानंतर पाेलिस संबंधित संशयित आराेपीस पकडण्यासाठी गेले असता त्याने दहशत निर्माण करण्यासाठी नांदेड पाेलिसांवर तलवार उगारली. त्यानंतर झालेल्या धुमश्चक्रीत पोलिसांनी स्वसरंक्षणासाठी संशयितावर गोळीबार करुन त्यास अटक केली. (Maharashtra News)

पाेलिसांनी दिलेल्या माहितीनूसार शेरसिंघ गिल हा एका खून प्रकरणातून पॅरोलवर बाहेर आला होता. शेजारी असलेल्या हरदिपसिंघ पाठी यांच्या भावासोबत त्याचे काही कारणाने भांडण झाले.

हे भांडण सोडवण्यासाठी हरदिपसिंघ गेले असता शेरसिंघ त्यांच्यामागे तलावर घेऊन लागला. पळत असताना हरदिपसिंघ खाली पडले आणि त्यांना हुदयविकाराचा झटका आल्याने त्यांचा मृत्यू झाला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान शेरसिंघ यास पकडण्यासाठी पोलिस घटनास्थळी गेले असता त्याने गॅस सिलेंडर पेटवण्याची धमकी दिली. तसेच पोलिसांवर तलवार उगारली. त्यामुळे पोलिसांनी त्याच्या पायाच्या दिशेने चार ते पाच गोळ्या झाडल्या. दोन गोळ्या त्याच्या पायावर लागल्या. त्यानंतर पाेलिसांनी त्याला पकडले तसेच अटक केली.

Edited By : Siddharth Latkar