नांदेड : विद्यार्थ्यांच्या दोन गटात राडा; 20 ते 25 विद्यार्थी जखमी, दुचाकींची तोडफोड!

नांदेड : नांदेड जिल्ह्यात विद्यार्थ्यांच्या दोन गटात मोठा राडा झाला. किनवट तालुक्यातील सहस्त्रकुंड येथील केंद्र सरकारच्या आदीवासी प्रकल्पाअंतर्गत चालणाऱ्या एकलव्य माॅडेल रेसिडेंशियल स्कूल (Eklavya Model Residential School) मध्ये ही घटना आज सकाळी घडली. क्षुल्लक कारणावरून दोन गटात झालेल्या मारहाणीत अनेक विद्यार्थी (Students) जखमी झालेत. या हाणामारीच्या घटनेनंतर परिसरातील दुचाकींची जाळपोळ आणि तोडफोड करण्यात आलीय.

हे देखील पहा :

क्षुल्लक कारणावरुन सुरुवातीला विद्यार्थ्यांच्या दोन गटात बाचाबाची झाली त्यानंतर या भांडणाचे पर्यावसान मारहाणीत (Beating) झाले. भांडणे एवढे वाढले की परिसरातील दुचाकींची तोडफोड आणि जाळपोळ करण्यात आली. विद्यार्थ्यांनी या मारहाणीत लाठ्याकाठ्यांचा आणि दगड-धोंड्यांचा वापर केला आहे. घटनेची माहिती मिळताच घटनास्थळी पोलिसांचा (Police) मोठा फौजफाटा दाखल झाला आणि परिस्थिती नियंत्रणात आणण्यात आली. पोलिसांनी राडा घालणाऱ्या विद्यार्थ्यांना ताब्यात घेतले असून, सहाय्यक जिल्हाधिकारी किर्ती कुमार पुजारा यांनी भेट देऊन आढावा घेतला आहे.

Edited By : Krushnarav Sathe