धक्कादायक: लग्नासाठी मुलगी द्यायला नकार, संतापलेल्या भाच्याने केलं मामालाच ठार

नांदेड: नांदेडमध्ये (Nanded) मामा मुलीचं लग्न आपल्याशी लावून देत नसल्याचा राग मनात धरुन भाच्यानेच झोपेतच मामावर कुऱ्हाडीने सपासप वार करुन ठार केल्याची धक्कादायक घटना समोर आली आहे. नांदेड जिल्ह्यातील हदगाव तालुक्यातील (Hadgaon Taluka) चाभरा येथे ही धक्कादायक घटना घडली आहे.

मिळालेल्या माहितीनुसार, चार दिवसांपूर्वी बालाजी दिगंबर काकडे हे अंगणात झोपले असताना अज्ञात व्यक्तीने कुऱ्हाडीने वार करुन त्यांचा खुन केला होता. हा खुन कोणी आणि का केला याचा तपास पोलिस (Police) करत असताना या तपासात पोलिसांना धक्कादायक माहिती मिळाली. ती म्हणजे बालाजी काकडे यांचा खुन त्यांचा भाचा एकनाथ जाधव याने केला असल्याचं तपासाच समोर आलं.

पाहा व्हिडीओ -

एकनाथ जाधव याने मामा लक्ष्मन यांच्या मुलीला लग्नासाठी मागणी घातली होती. मात्र, मामाने भाचा मजूरी करतो आणि मुलगी शिकलेली आहे त्यामुळे मुलीचं लग्न नोकरीवाल्या मुलाशी लावून देणार आहे. तुला मुलगी देणार नाही असं म्हटलं होतं.

मामाने मुलगी द्यायला दिलेला नकार भाच्याच्या चांगलाच जिव्हारी लागला, राग मनात धरुन मामा बालाजी काकडे झोपेत असताना कुऱ्हाडीने वार करुन खुन केल्याची धक्कादायक बाब पोलिस तपासात उघडकीस आली आहे. या प्रकरणी हदगाव पोलिसात एकनाथ जाधव विरोधात खुनाचा गुन्हा दाखल करण्यात आला असून, पोलिसांनी एकनाथला अटक ही केली आहे.

Edited By - Jagdish Patil