Nanded Crime News : प्रियकराने घातली लग्नाची मागणी; मुलीच्या आईचा नकार दिल्‍याने प्रेयसीला विष पाजून केले ठार

संजय सूर्यवंशी

नांदेड : लग्नाला प्रेयसीच्या आईने नकार दिल्याने युवकाने तरुणीला विष पाजून तिचा खून (Crime News) केला. यानंतर स्वतः विष पिऊन युवकाने देखील आत्महत्या करण्याचा प्रयत्न केला. (Nanded) नांदेड जिल्हयातील लोहा तालुक्यातील भोपाळवाडी येथे ही घटना घडली. (Breaking Marathi News)

भोपाळवाडी (जि. नांदेड) या गावातील २३ वर्षीय तरुणी सुप्रिया जाधव हिचे गावातीलच रोहीदास जाधव (वय २५) तरुणासोबत प्रेमसंबध होते. दरम्‍यान एका रात्री दोघांना मुलीच्या आईने एकत्र पाहिले. परंतु, दोघांची लग्‍नाची तयारी असल्‍याने मुलाने मुलीच्‍या आईकडे लग्नाची मागणी घातली. पण मुलींच्या आईने नकार दिला.

दरम्यान लग्‍नाला नकार दिल्‍याच्‍या रागातून रोहीदास जाधव याने स्प्राईटमधून मुलीला विष पाजले. यानंतर स्वतः देखील विष प्राशन केले. यात मुलीचा मृत्यू झाला तर युवकावर उपचार सुरू आहेत. या प्रकरणी उस्माननगर पोलीसांनी युवकाविरुद्ध खुनाचा गुन्हा दाखल केला. पुढील तपास सुरू आहे.