Nanded Accident:दोन मोटारसायकची समोरासमोर धडक; 3 ठार, 2 जण गंभीर जखमी

संजय सूर्यवंशी, साम प्रतिनिधी

नांदेडच्या भोकर ते म्हैसा रस्त्यावरील पिंपळढव गावाजवळ दोन दुचाकींची समोरासमोर धडक होत भीषण अपघात झाला. या अपघातात ३ जणांचा मृत्यू झाला तर दोन जण गंभीर जखमी झालेत. भोकर ते म्हैसा या राष्ट्रीय महामार्गावर पिंपळढव शिवारातील वळण रस्त्यावर दोन्ही मोटारसायकल समोरासमोर धडकल्या.

हाती आलेल्या माहितीनुसार,अपघातात मृत पावलेल्या तिघांची ओळख पटलीय. गंगाधर विश्वनाथ म्हैसूरे (वय ५५, रा. शिळवणी ता. देगलूर. ह मु. भोकर), व परसराम किशन डाकोरे (वय ५०, रा. पांडुरणा ता. भोकर) ज्ञानेश्वर गणेश मानेबोईनवाड (वय २५, रा. नांदा बु.) अशी मृत झालेल्या तिघांची नावे आहेत. गंगाधर विश्वनाथ म्हैसूरे आणि परसराम किशन डाकोरे हे दोघे कै. व्यंकटराव देशमुख निवासी आश्रमशाळा मातुळ येथे मदतनीस म्हणून काम करत होते.

विनायक पोशट्टी बोरवाड (वय २३, रा. नांदा बु.) आणि श्रावण हनुमंत पेडेमोडे (वय २३, रा. कुंभरगाव ता. बिलोली) हे दोघे गंभीर जखमी झालेत. या दोघांना आधी भोकरच्या ग्रामीण रुग्णालयात दाखल करण्यात आले असून त्यांच्यावर प्राथमिक उपचार करण्यात आले. त्यानंतर पुढील उपचारासाठी त्यांना नांदेड येथे नेण्यात आले. या अपघाताची माहिती कळताच भोकर येथील ग्रामीण रुग्णालयात मयताच्या नातेवाईकांनी मोठी गर्दी केली होती.