Nanded Accident: अपघातात नवरीसह पाच जणांचा मृत्यू, ६ जखमी

नांदेड - लग्नसोहळा उरकूर परतणाऱ्या वऱ्हाडाच्या गाडीचा भीषण अपघात (Accident) झाल्याची धक्कादायक घटना घडली आहे. या भीषण अपघातात 5 जणांचा जागीच मृत्यू झाल्याची माहिती समोर आली आहे. मृतांमध्ये नवऱ्या मुलीचादेखील समावेश आहे. तर या अपघातात 6 जण जखमी झाले असून त्यांच्यावर रुग्णालयात (Hospital) उपचार सुरु आहेत. हा अपघात भोकर-कीनवट रस्त्यावर सोमठाणा शिवारात काल सायंकाळी सहा वाजताच्या सुमारास घडला.

हे देखील पहा -

नववधू पुजा ज्ञानेश्वर पामलवार , नववधूचा भाऊ दत्ता ज्ञानेश्वर पामलवार, माधव पुरबाजी सोपेवाड, सुनील दिंगाबर धोटे आणि एका अज्ञात व्यक्तीचा मृत्यू झाला आहे. तर सुनीता अविनाश टोकलवार , कुमारी गौरी माधव चोपवाड, अविनाश टोकलवार, अभिनंदन मधुकर कसबे अशी जखमींची नवे आहे.

शनिवारी (ता. २१) साखरायेथे पूजा हिचे तिच्या राहत्या गावी लग्न झाले. लग्नानंतर आरती परतणी करुन नववधू आणि नवरदेव हे जरीकोट येथे आले आणि सोमवारी साखरा येथे परत निघाले होते. त्यावेळी सायंकाळी सहा वाजताच्या सुमारास कीनवटकडून भरधाव वेगात येणारा टेम्पोची मॅजीक समोरासमोर जोराची धडक झाली आणि या अपघातात नववधू पूजासह अन्य चार जणांचा जागीच मृत्यू झाला.