Nanded : नाशिकनंतर नांदेड हादरलं! विधवा महिलेवर महाराजाचा अत्याचार, लग्नाचे आमिष दाखवले अन्...

Nanded Women Rape By Harigiri Dattagiri Maharaj नाशिकचा भोंदू बाबा अशोक खरात याचं प्रकरण ताज असताना आता नांदेडमध्ये देखील अजून एका भोंदू बाबाचा धक्कादायक प्रकार समोर आला आहे. या भोंदू बाबाने विधवा महिलेला लग्नाचे अमिष दाखवून अत्याचार केले. याप्रकरणी आता पोलीस ठाण्यात तक्रार दाखल करण्यात आली असून या महाराजाला अटक करण्यात आली आहे. आता या प्रकरणात कोणते नवीन धागे दोरे समोर येणार हे पाहणं महत्त्वाचं ठरेल.

मिळालेल्या माहितीनुसार, जुलै २०२५ पासून एक पीडित महीला दर गुरूवारी मठात जात होती. तिथेच तिची आणि हरीगीरी दत्तगीरी महराज याची ओळख झाली. तीने हरीगिरी दत्तगीरी महाराज याला गुरू केले होते. भोंदू महाराज सतत तिला फोन वरून संपर्क करायचा. १४ जुलै २०२५ रोजी स्वतःच्या वाढ दिवासाच्या निमित्ताने भोंदू महाराज महिलेच्या घरी गेला होता. त्याच दिवशी त्याने बळ जबरीने अत्याचार केले. महिलेला लग्नाचे अमिष दाखवत तीन वेळा अत्याचार केले. त्यानंतर महिलेने लग्नासाठी तगादा लावला असता भोंदू बाबाने तिला नकार दिला.

याप्रकरणी आपली फसवणूक झाल्याचे लक्षात येताच महिलेने पोलीस ठाण्यात ४० वर्षीय हरिगिरी दत्तगिरी महाराज विरोधात तक्रार दाखल केली. महिलेने तक्रारीत म्हटले की, महाराजाने लग्नाचे अमिष दाखवत तीन वेळा अत्याचार केले. याप्रकरणी भाग्यनगर पोलीस ठाण्यात हरिगिरी दत्तगिरी महाराजावर गुन्हा दाखल झाला असून त्याला अटक करण्यात आली आहे. भोंदू बाबा कॅप्टन खरात चे प्रकरण गाजत असताना आणखी एका महाराजावर गुन्हा दाखल झाल्याने खळबळ उडाली आहे. तसेच महाराष्ट्रात नेमकं काय सुरु आहे? असे प्रश्न उपस्थित होत आहेत.

अशोक खरात प्रकरण नेमकं काय?

देवाच्या नावाचा खोटा मुखवटा लावून तसेच स्वतःला स्वयंघोषित कॅप्टन म्हणत अशोक खरातने महिलांना भविष्य सांगण्याच्या बहाण्याने त्यांच्यावर अत्याचार केले. याचे अनेक व्हिडिओ देखील समोर आले आहेत. याप्रकरणी आता पोलीस ठाण्यात गुन्हा दाखल करण्यात आला आहे. तसेच याप्रकरणात अनेक मोठे मोठे मासे गळाला लागण्याची शक्यता आहे.