नागपुरात गो तस्करी करणाऱ्याला केलं विवस्त्र
पवनी भंडारा मार्गे नागपुरात गोतस्करीचं करण्याचा प्रयत्न
विवस्त्र केल्याने वाद निर्माण होण्याची शक्यता
नागपूर जिल्ह्यातील दिघोरी परिसरातून एक धक्कादायक घटना उघडकीस आली आहे. गाईंची तस्करी करणाऱ्या व्यक्तीला विवस्त्र केल्याची गंभीर घटना उघडकीस आली आहे. पवनी भंडारा मार्गे गोतस्करीचे वाहन घेऊन येणाऱ्या आरोपीला काही गोरक्षकांनी पकडलं. गोरक्षकांनी त्याला पकडून विवस्त्र करून मारहाण केली. या प्रकारामुळे परिसरात मोठ्या प्रमाणात तणाव निर्माण होण्याची शक्यता आहे.
नागपूर जिल्ह्यातील दिघोरी परिसरात रविवारी रात्री ११: ३० च्या सुमारास ही घटना उघडकीस आली. मिळालेल्या माहितीनुसार, पवनी भंडारा मार्गे नागपुरात गोतस्करीचे वाहन घेऊन येणाऱ्याला गोरक्षकांनी अडवलं. हिंदू प्रतिष्ठानचे स्वप्नील साळुंखे आणि काही कार्यकर्त्यांनी गो-तस्करी करणारी गाडी अडवली.
त्यानंतर गोरक्षकांनी आरोपीला हुडकेश्वर पोलीस स्टेशनपर्यंत विवस्त्र अवस्थेत नेलं. विवस्त्र करताना हुडकेश्वर पोलीस स्टेशनचे काही कर्मचारी देखील उपस्थित असल्याची माहिती आहे. यानंतर हिंदू प्रतिष्ठानच्या कार्यकर्त्यांनी पोलीस स्टेशनमध्ये या घटनेबाबत तक्रार दाखल केली. तसेच गो तस्कराला पोलिसांच्या ताब्यात दिलं.
अलिकडेच रविवारी रात्री गोतस्करी करणाऱ्या एका ट्रकला आग लागून ३० जनावरं दगावल्याची घटना घडलीय. त्यामुळे गोतस्करीचे प्रमाण मोठ्या प्रमाणात वाढले असल्याचं वारंवार समोर येत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.