नागपूर: नागपुरात मैत्रणीनेच मैत्रणीची हत्या केल्याचं प्रकरण पुढे आलंय. नागपुरात स्कूल बसवर वाहक असलेल्या दीपा दास यांचा मृतदेह प्लस्टिकच्या पिशवीत आढळून आला होता. कपिल नगर पोलीस ठाण्याअंतर्गत उप्पलवाडी परिसरात महिलेच्या हत्येच्या घटनेने खळबळ उडाली होती (Nagpur Police Solve Murder Case Of Female Conductor From Mobile Number).
41 वर्षीय दीपा दास या स्कूल बसवर वाहक आहेत. नागपूरच्या (Nagpur) उप्पलवाडी परिसरात त्यांचा मृतदेह (Deadbody) हातपाय बांधून एका मोठ्या प्लास्टिकच्या पिशवीत फेकला होता. महिला हत्येच्या (Murder) घटनेने शहरात खळबळ उडाली होती. नेमकी ही हत्या कुणी आणि कशासाठी केली, असे प्रश्न पोलिसांसमोर (Nagpur Police) होते.
पोलिसांनी या महिलेच्या मोबाईलवरुन (Mobile) आरोपीचा शोध घेतला. दीपा दास यांनी स्वर्णा सोनी यांना एक लाख रुपये उधार दिले होते. मात्र, पैसे परत न मिळाल्याने दोघींमध्ये वाद सुरु होता. काल दीपा या स्वर्णाकडे पैसे परत मागण्यासाठी गेल्या. दरम्यान, यावरुन दोघींमध्ये वाद निर्माण झाला. यातून स्वर्णा आणि तिचा पती सामी सोनी या दोघांनी तिचा गळा आवळून हत्या (Murder) केली आणि मृतदेहाचे हातपाय बांधून एका मोठ्या प्लास्टिक पिशवीत टाकून फेकून दिला.
पोलिसांपुढं या हत्येच्या तपासाचं मोठं आव्हान होतं. मात्र, मोबाईल क्रमांकावरुन तपास करत नागपूर पोलिसांनी आरोपींचा छडा लावला आहे.
Edited By - Nupur Uppal
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
