Bribe Trap: चेकपोस्‍टवर ट्रक चालकांकडून घेतले पैसे; मोटार वाहन निरीक्षक एसीबीच्‍या जाळ्यात

नागपूर : चेक पोस्ट क्रॉस करतांना आरटीओ अधिकाऱ्यांची हप्तेवसुली ही ट्रक चालकांसाठी नेहमीच चिंतेचा विषय राहिला आहे. त्‍यानुसार नागपूर (Nagpur) जिल्ह्यातील कांद्री चेक पोस्टवर ट्रक चालकाकडून लाच (Bribe) स्वीकारतांना परिवहन विभागाचे मोटार वाहन निरीक्षक लाचलुचपत विभागाच्या जाळ्यात अडकले. (Tajya Batmya)

नागपूर ग्रामीण परिवहन विभागाचे मोटार वाहन निरीक्षक अभिजत मांजरे हे आपल्या साथीदाराच्या मदतीने खाजगी ट्रक चालकाकडून चेक पोस्ट पास करण्यासाठी लाच घेतात. पैसे न दिल्‍यास ट्रक चेक पोस्टवरून सोडत नसल्याची तक्रार लाचलुचपत विभागाकडे आली होती.

रात्री सापळा रचत पकडले

ट्रक चालकांनी कंटाळून लाचलुचपत विभागाने याची तक्रार केली. या तक्रारीनुसार बुधवारी (८ फेब्रुवारी) रात्री उशिरा लाचलुचपत विभागाने सापळा रचला. या दरम्‍यान चेक पोस्ट क्रॉस करण्यासाठी एका ट्रक चालकडून पाचशे रुपयाची लाच स्वीकारतांना अभिजित मांजरे, करण काकडे व विनोद लांजेवार यांना अटक केली. या घटनेनंतर वाहन निरीक्षक अभिजित मांजरे यांच्या कुटुंबियांच्या संपत्तीची चौकशी करणार असल्याची माहिती पुढे येत आहे.