Nagpur News: आवरा रे ह्यांना!'अश्लील कार'नाम्यानंतर आता प्रेमीयुगुलाचा भररस्त्यात दुचाकीवर रोमान्स, नागपुरमधील संतापजनक VIDEO

पराग ढोबळे, साम टीव्ही नागपूर

नागपूरमध्ये मागील आठवड्यात धावत्या गाडीत स्टिअरिंगवर बसून एका जोडप्याने अश्लील चाळे केल्याची घटना समोर आली होती. त्यानंतर आता दुचाकीवर अश्लील चाळे करणारा आणखी एक व्हिडिओ समोर आलाय. नागपुरमधील एकाच आठवड्यातील ही घटना आहे. या घटनांमुळे शहरातील कायदा आणि सुव्यवस्थेवर प्रश्नचिन्ह निर्माण होत आहे.

भररस्त्यात प्रेमीयुगुलाचे अश्लील चाळे

उपराजधानी नागपूरात काही दिवसांपूर्वी कारमध्ये अश्लील चाळे करणारा व्हिडीओ समोर आला होता. तेच आठवडाभरात दुचाकीवर तसाच प्रकार करणारा व्हिडीओ समोर (Misbehavior Of Lovers On Running Bike) आलाय. या व्हिडिओमध्ये हर्ष उर्फ बिल्ली राजेश कहर नावाचा व्यक्ती आहे. तो कुख्यात गुंड असल्याची माहिती मिळत आहे. काही दिवसांपूर्वी तो दुचाकीच्या पेट्रोल टॅंकवर बसून प्रेयसीसोबत आशील चाळे करत सदर पोलिसांच्या हद्दीत दुचाकीवर फिरला होता, या घटनेचा व्हिडिओ व्हायरल झाला होता.

नागपुरातील रोमिओचा प्रताप

काहींनी त्याचा व्हिडिओ सोशल मीडियावर टाकला होता. त्यानंतर पोलिसांनी त्याच मार्गावरील सीसीटीव्ही फुटेज तपासून त्याचा शोध घेतला.विशेष म्हणजे बिल्ली ह्या एक महिना अगोदरच एका प्रकरणातून कारागृहातून बाहेर आला (Nagpur News) होता. सदर पोलिसांनी प्रेयसी आणि बिल्लीवर गुन्हा दाखल केलाय. काही दिवसापूर्वी धरमपेठ परिसरात अशाच पद्धतीने एक सीए आणि अभियंता प्रेयसीने कारमध्ये अश्लील चाळे केल्याचा व्हिडिओ व्हायरल झाला होता.

आठवडाभरातील दुसरी घटना

नागपूरमधील कुख्यात गुंडाने प्रेयसीसोबत दुचाकीवर अश्लील चाळे केल्याचा व्हिडिओ व्हायरल (Viral Video) झाला. त्यानंतर नागपूर पोलिसांनी त्याच्यावर कारवाई केलीय. अशा घटनांमुळे नागपूर पोलिसांचा आरोपींना काही धाक आहे का? असा सवाल निर्माण होत आहे. त्यासोबत शहराच्या कायदा आणि सुव्यवस्थेला देखील गालबोट लागत आहे.