Nagpur News: महिलेच्या गळ्यातली सोन्याची साखळी तोडली; पुढे जावून दुचाकीमुळे सापडला नागरीकांच्‍या ताब्‍यात

नागपूर : रस्‍त्‍यावर एका महिलेच्या गळ्यातली सोन्याची साखळी चोरी करत असताना आकाश ठाकूर या कुख्यात गँगस्टरला नागरिकांनी पकडले आहे. चैन चोरून पळून जात (Crime News) असताना दुचाकी अचानक बंद पडल्‍याने चोरटा नागरीकांच्‍या ताब्‍यात सापडला. (Tajya Batmya)

कुख्यात गँगस्टर राजा गौस सोबत हा नागपूर (Nagpur) मध्यवर्ती कारागृहातून 2015 साली पळून गेला होता. तो दुचाकी चोरी करून त्याच दुचाकीने चैन स्नैचिंग करायचा. गुन्हा झाला की तो दुचाकी कुठेही बेवारस सोडून द्यायचा. धंतोली (Nagpur Crime) परिसरात एका महिलेच्या गळ्यातून चैन चोरण्याचा प्रयत्न आरोपीने केला होता. पण दुचाकी बंद पडल्यामुळे आरोपीला घटना स्थळावरून पळता आले नाही.

पाच वाहन चोरी व चैन स्‍नॅचिंग

नागरिकांनी आरोपीला पकडून पोलिसांच्या ताब्यात दिले. आरोपीने आतापर्यंत पाच वाहने चोरल्याचे आणि तीन चैन स्नैचिंग केल्याची कबुली दिली. इतके वर्ष तो पोलिसांच्या हाती लागला नाही. मात्र नागरिकांनी त्याला पकडले आणि पोलिसांच्या हवाले केले. त्यामुळे आता त्याला पुन्हा जेल ची हवा खावी लागणार आहे.