Electric Shock: विसर्जन मिरवणुकीतच मृत्‍यूने गाठले; झेंड्याचा रॉड विद्युत ताराला लागला अन्‌ क्षणात मृत्यू

नागपूर : दुर्गा देवीच्या विसर्जन करण्यासाठी निघालेल्या मिरवणुकीत १४ वर्षीय मुलाचा विजेचा शॉक लागून मृत्यू झाला. सदर घटना नागपूर (Nagpur) शेजारी असलेल्या हिंगणा भागातील एमआयडीसी पोलीस (Police) स्टेशन अंतर्गत बालाजी नगरात घडली आहे. (nagpur News Electric Shock)

पियुष केशव कावडे असे मृत (Death) झालेल्या मुलाचे नाव आहे. पियुष हा त्याच्या घराच्या शेजारी विराजमान देवीच्या मूर्तीचे विसर्जन मिरवणुकीत हाती झेंडा घेऊन सहभागी झाला होता. मिरवणूक बालाजीनगर येथे पोहचली. तिथे रस्त्याच्या बाजूला खांबावर असलेल्या विद्युत डिपीला लोखंडी दांडा असलेल्या झेंड्याचा स्पर्श झाला. यात (Electric Shock) विजेचा धक्का लागल्याने तो खाली कोसळला.

रुग्णालयात नेले तत्‍पुर्वीच मृत्‍यू

मिरवणुकीत सहभागी काही तरुणांनी त्याला डिंगडोह येथील लता मंगेशकर रुग्णालयात उपचारासाठी दाखल केले. परंतु, काही वेळातच त्याचा मृत्यू झाला. एमआयडीसी पोलिसांनी घटनेची नोंद घेतली असून पुढील तपास सुरू आहे.