नागपूर मेट्रोच्या संचालकांवर मेडीकल बील घोटाळ्याचा आरोप!

संजय डाफ

नागपूर : नागपूर मेट्रोचे संचालक ब्रिजेश दीक्षित यांनी वैद्यकीय बिलाच्या नावावर कोट्यवधी रुपयांचा भ्रष्टाचार केल्याचा आरोप राष्ट्रवादी चे नेते प्रशांत पवार यांनी केला. ब्रिजेश दीक्षित यांनी यांचे एका वर्षाचे बील हे 64 कोटी रुपये एवढे आहे. मात्र, मेट्रोकडून या आरोपांचं खंडन करण्यात आलं आहे. हे बिल केवळ वैद्यकीय खर्चाचे नाही तर एकत्रित सर्व भत्ते समाविष्ट असल्याचं मेट्रो कडून सांगण्यात आले आहे.

हे देखील पहा-

नागपूर मेट्रो चे संचालक ब्रिजेश दीक्षित आणि इतर संचालकांनी वैद्यकीय खर्चाच्या नावावर लाखो रुपये घेतल्याचा आरोप राष्ट्रवादी चे नेते प्रशांत पवार यांनी केलाय. ब्रिजेश दीक्षित यांनी एका वर्षात 64 लाख रुपये उचलले. मेट्रोच्या इतर संचालकांचेही वैद्यकीय बिल लाखो रुपये आहेत. त्यामुळं इतक्या मोठ्या प्रमाणात वैद्यकीय खर्च घेतला जात असून यात भ्रष्टाचार झाल्याचा आरोप करत या प्रकरणाची ईडी मार्फत चौकशी करावी, अशी मागणी प्रशांत पवार यांनी केली आहे.

मेट्रोनं मात्र या आरोपांचं खंडन केल आहे. प्रशांत पवार हे नेहमीच बिनबुडाचे आरोप करतात. त्यांनी सांगितलेली रक्कम ही केवळ वैद्यकीय खर्चाची नाही तर ती सर्व भत्ते मिळून असलेली असल्याची मेट्रोचे जनसंपर्क अधिकारी अखिलेश हळवे यांनी दिली आहे.

या भ्रष्टाचाराच्या आरोपांमुळे एकच खळबळ उडाली आहे. चौकशीची मागणी केली जात आहे. या प्रकरणाची चौकशी होते का हे पाहणे महत्वाचे ठरणार आहे.

Edited By-Sanika Gade