नागपूरातील कोराडी मंदिराजवळ निर्माणाधीन गेट कोसळले.
बांधकामाचा भाग कोसळून अनेकजण ढिगाऱ्याखाली अडकले.
पोलीस व प्रशासनाने तात्काळ बचावकार्य सुरू केले.
घटनास्थळी ढिगारा हटविण्याचे काम युद्धपातळीवर सुरू आहे.
राज्याची दुसरी राजधानी नागपुरात एक मोठी दुर्घटना घडलीय. येथील कोराडी मंदिराचा निर्माणाधीन गेट कोसळलाय. गेटच्या बांधकामाचा एक भाग खाली कोसळला असून त्याखाली अनेकजण दबल्याची भीती वर्तवली जात आहे. नागपुरातील कोराडी मंदिराजवळ गेट उभारण्यात येत आहे. या गेटच्या कामादरम्यान बांधकामाचा एक भाग खाली कोसळला. त्या भागाखाली काही कामगार अडकल्याचे सांगितले जात आहे. दरम्यान घटना घडताच पोलीस विभागासह प्रशासकीय लोक तिथं पोहचले आहेत. प्रशासनाने तत्काळ मदतकार्य सुरू केले आहे.
मंदिराच्या एका भागात निर्माणाधीन स्लॅब कोसळून काही मजूर जखमी झाल्याची प्राथमिक माहिती मिळत आहे. कोराडी ते मंदिर मार्गावरील गेटचे निर्माणकार्य सुरू आहे. मंदिराच्या गेट क्रमांक ४ जवळ स्लॅबचे काम सुरू होते. स्लॅब टाकण्याचे काम सुरू असताना अचानक स्लॅब कोसळला. स्लॅब कोसळल्याने त्याखाली दबून ५ ते ६ मजूर जखमी झालेत. जखमींना उपचारासाठी रुग्णालयात दाखल करण्यात आले आहे.
पोलीस उपायुक्त निकेतन कदम यांनी याप्रकरणी माहिती देताना सांगितलं की, कोराडी मंदिराच्या पाठीमागे हे बांधकाम चालू आहे. येथील निर्माणाधीन गेटचा काही स्लॅब कोसळलाय. आतापर्यंत कोणत्याच प्रकारे जीवितहानी झाली नसल्याची माहिती मिळालीय. परंतु सर्व प्रकारे तपास करण्यात येत आहे. बचाव आणि मदत कार्य करण्यासाठी सर्व यंत्रणा दाखल झालीय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.