Nagpur Crime News: तडीपार असूनही शहरात; धमकी देत मागितली खंडणी

नागपूर : तडीपार गुंडाने साथीदारांसह हॉटेल मालकाला जीवे मारण्याची धमकी देत खंडणी मागितली. हा प्रकार (Nagpur) नागपूरच्या गणेशपेठ पोलीस स्टेशन हद्दीत घडला. (Police) पोलिसांनी तीन आरोपींना अटक केली तर एकाच शोध घेत आहे. (Maharashtra News)

नागपूर रेल्वेस्थानकाच्या पूर्वी दारावर राजा रेस्टॉरंट नावाचे एक हॉटेल आहे. त्या हॉटेल मालकाला तडीपार गुंडाने आपल्या तीन साथीदारासह हॉटेलमध्ये जात जीवे मारण्याची धमकी दिली. इतकेच नाही तर पाच हजार रुपये दर महिन्याला (Crime News) खंडणी देण्यास सांगितले. सोबतच मी तडीपारीवरून आत्ताच वापस आलो तुला जीवे मारील अशा प्रकारची धमकी दिली आणि त्याच्याकडून पाच हजार रुपये वसूल केले.

तीन आरोपींना अटक

मात्र हॉटेल मालकाने या संदर्भाची तक्रार गणेशपेठ पोलिसांना दिली. यानंतर पोलिसांनी तपास करत या प्रकरणात तीन आरोपींना अटक केली आहे. तर एका आरोपीचा पोलीस शोध घेत आहेत.