Nagpur Crime News: एकाच मुलीवर दोन युवकांचे प्रेम, तीही फिरायची दोन्‍ही प्रेमविरांसोबत; यातून झाले भयंकर प्रकरण

नागपूर : एक फुल दो माली अशी प्रेम कहानी नागपुरात रंगली आणि एकाच्या कुटुंबावर रक्तरंजित हमला झाला. ही घटना (Nagpur News) नागपूरच्या पारडी पोलीस स्टेशन हद्दीत घडली असून कुटुंबावर हल्ला करणाऱ्या दोन आरोपींना (Police) पोलिसांनी अटक केली. (Maharashtra News)

पारडी पोलीस स्टेशन हद्दीतील एका मुलीवर दोन युवकांचे प्रेम होते. ती मुलगी सुद्धा दोन्‍ही प्रेमविरांसोबत फिरायची. मात्र याचे परिणाम काही वेगळेच झाले. एका प्रेमविराने तिला दुसऱ्या सोबत फिरताना बघितले आणि तो त्याच्या घरी जाब विचारायला गेला. ज्याच्या घरी तो जाब विचारायला गेला; तो दुसरा प्रेमी होता. त्यावेळी त्याचे जावई आणि बहीण सुद्धा होती.

चर्चा केली अन्‌ झाली मारहाण

दोघांमध्ये आपसात चर्चा झाल्‍यानंतर दोघेही एकमेकांसोबत मारहाण (Crime News) करायला लागले. आरोपीने त्याच्या संपूर्ण कुटुंबावर हल्ला केला. त्यामध्ये एका प्रेमीसोबत त्याचा जावई आणि बहीण सुद्धा या हल्ल्यामध्ये गंभीर जखमी झाले. तिघांनाही रुग्णालयात दाखल करण्यात आलं असून त्यांच्यावर उपचार सुरू आहे. तर ज्या युवकांनी यांच्यावर हल्ला केला त्याला आणि त्याच्या मित्राला पोलिसांनी अटक केली. एकंदर म्हणजे प्रेम प्रकरणातून घडलेली ही घटना परिसराला हादरवणारी ठरली.