मागचे एक चाक नसूनही बस धावली; ३० प्रवाशांचा जीव धोक्यात

तबरेज शेख

नाशिक : अहमदनगर जिल्ह्यातील अकोले (Akole) आगारातून कसारा येथे प्रवाशांना घेऊन जाणाऱ्या एसटी बसच्या (St Bus) मागील भागात चार पैकी एक चाक नसूनही बस धावली. विशेष म्हणजे 30 पेक्षा जास्त प्रवाशांना घेऊन लोकांचा जीव धोक्यात घालण्याची लीला या बसने केली आहे. (Breaking Marathi News)

इगतपुरीजवळ (Igatpuri) महामार्गावरून ही बस धावत असतांना अन्य एका वाहन धारकाने बस चालकाला सांगितल्याने ही घटना उघडकीस आली. यानंतर ही बस कंपनीजवळ थांबवण्यात आली आहे. एसटी बस (क्र. MH 15 BT 4129) असून अनेक प्रवाशांचा (Nashik) जीव धोक्यात घालणाऱ्या संबंधितांवर कारवाई करण्याची मागणी उपस्थित प्रवाशाने केली आहे.

घाट रस्‍त्‍यातून धावली बस

अकोलेहुन कसारापर्यंत अनेक वळणदार रस्ते, घाट असल्याने अशा बेजबाबदार कारभारामुळे कोणतीही मोठी दुर्घटना घडू शकली असती. सुदैवाने ही घटना उघडकीस आल्याने सर्वांनी सुटकेचा निश्वास सोडला. एसटीबद्धल अनेक घटनांच्या पार्श्वभूमीवर आजची घटना महत्वाची आहे.