गळा कापून पोलीस कर्मचाऱ्याची हत्या !

संजय तुमराम

गडचिरोली : पोलीस विभागात वाहनचालक असलेल्या जगन्नाथ सिडाम (वय 53) यांची गळा कापून हत्या करण्यात आली आहे. या घटनेमुळे एकच खळबळ उडाली आहे. सिडाम हे भामरागड तालुक्यातील धोडराज पोलीस मदत केंद्रात कार्यरत होते. Murder of a police officer

काल रात्रौला ते नागेपल्ली येथील आपल्या घरी आले होते. रात्री झोपून असताना अज्ञात मारेकरूने त्यांच्या घराचा दरवाजा ठोठावून त्यांना उठवले व काही कळायच्या आतच धारदार शस्त्राने त्यांचा गळा कापला. त्यामुळे मोठ्या प्रमाणात रक्तस्त्राव झाला आहे. परंतु घरातील सदस्यांना कळायच्या आतच मारेकरी फरार झाला आहे.

हे देखील पहा-

जखमी अवस्थेत त्यांना चंद्रपूर येथे उपचारासाठी हलवण्यात आले. मात्र डाॅक्टरांनी त्यांना मृत घोषित केले.

आज सकाळीच घटनास्थळी अहेरीचे उपविभागीय पोलीस अधिकारी विशाल ठाकूर यांच्यासह ताफा पोचला होता. श्वानपथकासह घटनास्थळाची पाहणी करण्यात आली आहे. तरी या हत्येमागाचे अधिकृत कारण समजू शकले नाही.

Edited By-Sanika Gade