सोलापूरच्या बार्शी तालुक्यातील मुंगशी (दहिटणे) येथील मुंगशी विद्यालयास मनोज जरांगे पाटील यांचं नाव देण्यात येणार आहे. याबाबतचा ठराव संस्थेचे अध्यक्ष डॉ. कपिल कोरके यांच्या अध्यक्षतेखाली मंजूर करण्यात आला आहे. राज्यात पहिल्यांदाच एका शाळेला जरंगे यांचं नाव देण्यात येणार आहे. मुंगशी विद्यालय या शाळेचे नाव यापुढे मनोज जरांगे पाटील विद्यालय, मुंगशी (दहिटणे) असणार आहे.
मिळालेल्या माहितीनुसार, मुंगशी येथे १९९८ मध्ये जय जगदंबा शिक्षण संस्था सर्जापुरचे संस्थापक शिक्षणमहर्षी बाळासाहेब कोरके यांनी मुंगशी विद्यालयाची स्थापना केली. सध्या विद्यालयात पाचवी ते दहावीपर्यंत वर्ग चालू आहे.
या शाळेत मुंगशी, दहिटणे येथील शेकडो विद्यार्थी शिक्षण घेत आहेत. या शाळेचे वैशिष्ट्य म्हणजे दहावीच्या शंभर टक्के निकालाची यशस्वी परंपरा कायम आहे. यातच मुंगशी विद्यालयाला मनोज जरांगे पाटील यांचं नाव देण्यास अनुमती मिळावी यासाठी संस्थेकडून त्यांना पत्र ही पाठवण्यात आले आहे.
दरम्यान, मराठा आरक्षणाच्या मागणीसाठी अंतरवाली सराटी मनोज जरंगे पाटील हे पुन्हा एकदा उपोषणाला बसले आहेत. आज त्यांच्या उपोषणाचा चौथा दिवस आहे. चौथ्या दिवशी जरांगे पाटील यांची प्रकृती ढासळल्याची बातमी समीर आली आहे. ही माहिती समोर आल्यानंतर नाशिकमध्ये मराठा आंदोलक आक्रमक झाले आहेत. शरद पवारांनी मराठा आरक्षणासाठी पुढाकार घ्यावा, नाशिकमधील सकल मराठा समाजाची मागणी केली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
