Monsoon Update : मान्सून अडखळला! संपूर्ण महाराष्ट्र कधी व्यापणार? हवामान तज्ज्ञांनी दिली मोठी अपडेट

उन्हामुळे काही भाग अजुनही हैराण झालाय. देशात मे महिन्यापासून पावसाला सुरुवात झाली आहे. गोवा आणि पुढे महाराष्ट्रातल्या काही भागांमध्ये पावसाला सुरुवात झालीये. पण मुंबई- पुण्यात उन्हाचा कडाका पडला आहे. जून महिन्यात दरवर्षी पावसाला सुरुवात होते पण यंदाचा हवामान शास्त्रज्ञांचा अंदाज जरा वेगळा आहे. यामध्ये पावसाळा थेट जुलै महिन्यात महाराष्ट्र व्यापणार असं सांगण्यात आलं आहे.

हवामान शास्त्रज्ञ एस.डी. सानप यांनी ही महत्वाची माहिती दिली आहे. बऱ्याच दिवसांपासून- मुंबईकर आणि पुणेकर पावसाची वाट पाहत आहेत. कारण कोकण आणि मध्य महाराष्ट्रातल्या काही भागांमध्ये पावसाने हजेरी लावली आहे. आता पुढे अजून काही दिवस मान्सूनची वाट पाहावी लागणार आहे. सध्या प्रशांत महासागरात 'एल निनो'चं संकट घोंगावत असून त्याचा परिणाम मान्सूनवर दिसून येत आहे.

त्यामुळे जुलैनंतर संपूर्ण महाराष्ट्रात मान्सून दाखल होण्याची शक्यता हवामान विभागाने वर्तवली आहे. एल निनो हे एक वादळ आहे. ज्याने वातावरणातली उष्णता मोठ्या प्रमाणात वाढते. एल निनोचे वेगवेगळे टप्पे असतात. त्यात तीव्र, अतितीव्र, सुपर एल निनो असे प्रकार असतात.

यावर्षी राज्यात सरासरीच्या सुमारे ९० टक्के पाऊस पडण्याचा अंदाज आहे. सरासरीपेक्षा कमी पावसाचीही शक्यता त्यांनी वर्तवली आहे. त्यामुळे शती, जलसाठे आणि इतर क्षेत्रांवर परिणाम होऊ शकतो. नागरिकांनी आणि शेतकऱ्यांनी शासनाच्या सूचनांचं पालन करावं असं आवाहनही करण्यात आलं आहे. एल निनोचा परिणाम हा मान्सूनवर जुलैनंतर पाहायला मिळेल. त्यामुळे महाराष्ट्रात पावसालाही जुलै महिन्यात सुरुवात होईल असा अंदाज आहे.

दरम्यान, १२ रोजी जूनमध्ये उष्णतेचा उच्चांक गाठला होता. भारतीय हवामान विभागाच्या नोंदीनुसार, कुलाबा वेधशाळेमध्ये ३६ अंश सेल्सिअस कमाल तापमानाची नोंद केली गेली. देशात पावसाला सुरुवात झालीये पण महाराष्ट्रात त्याचा वेग काहीसा मंदावलेला दिसून येत आहे.