लातूर: एसटी महामंडळाचे राज्य शासनात विलीनीकरण (Merger) करावे, या मागणीसाठी २७ ऑक्टोबर २०२१ पासून पुकारण्यात आलेल्या संपामध्ये सहभागी झालेल्या कामगारांना आता काम नाही तर दाम नाही. या धोरणानुसार पगार मिळाला नाही. परिणामी, कर्मचारी, कामगार आर्थिक अडचणीत आले आहेत. बँकेकडून (bank) घेतलेल्या कर्जाचे हप्ते थकले आणि व्याजाचे हप्तेही वाढले आहेत.
हे देखील पहा-
वेतनाअभावी होणारी उपासमार, प्रपंच कसा चालवायचा? या विवंचनेत अडकलेले कामगार टप्प्याटप्प्याने कामावर परतले. तर काही कामगार वेतनवाढ (Pay rise) मिळाल्याच्या निर्णयानंतर कामावर परतले. यातून डिसेंबरपासून टप्प्या- टप्प्याने लालपरी आगाराबाहेर पडली. आता लातूर (Latur) विभागातील पाचही आगारातून १९१ बसेस सुसाट आहेत. २२ एप्रिलपर्यंत काही कर्मचारी कामावर हजर होतील.
संप काळात अनेक कर्मचाऱ्यांनी काम केले नसल्याने आता मागील काळातील पगार मिळणार का अशी चिंता एसटी कामगारांना (workers) सतावत आहे, तर काम नाही तर दाम नाही. या धोरणानुसार एसटी कामगारांना संपकाळातील पगार मिळणार नाही. ज्या तारखेला कामगार कामावर परतील, तेव्हापासून शासनाने जाहीर केलेल्या वाढीसह पगार मिळणार असल्याचे विभागीय नियंत्रक सचिन क्षीरसागर यांनी सांगितले आहे.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
