महावितरणतर्फे महाडमध्ये युद्धपातळीवर काम सुरू

राजेश भोस्तेकर

रायगड : मागील आठवड्यात झालेल्या अतिवृष्टीमुळे आणि पुरामुळे राज्यभरात विविध ठिकाणी महावितरणचे मोठ्या प्रमाणात नुकसान झाले आहे. महाडमध्ये देखील पुरामुळे शहरातील महावितरणचे अतोनात नुकसान झाले असून वीज पुरवठा पूर्ण खंडित झाला आहे.

हे देखील पहा -

असे असतानाही महावितरण कर्मचाऱ्यांनी वीज पुरवठा सुरळीत करण्यासाठी अहोरात्र मेहनत घेतली आहे. सावित्री नदीमध्ये मगरी असताना देखील महावितरण कर्मचारी धोका पत्करून सर्वसामान्यांसाठी कर्तव्य बजावत आहेत. महाड मधील वीजपुरवठा सुरळीत करण्यासाठी युद्धपातळीवर काम सुरू आहे. अशी प्रतिक्रिया ऊर्जामंत्री नितीन राऊत यांनी दिली आहे. प्रतिक्रिया देताना त्यांनी राज्यातील वीजपुरवठ्याबाबत स्पष्टीकरण दिले आहे.

अतिवृष्टीने कोकणासह पश्चिम महाराष्ट्राच्या अनेक भागात वीज पुरवठा खंडित झाला आहे. महाड मधील वीज पुरवठा सुरळीत करण्यासाठी राज्यातील महावितरणची टीम दाखल झाली आहे. तर ज्याठिकाणी वीज सुरू झाली नाही त्याठिकाणी सोलर दिवे बसवण्यात येणार असल्याची माहिती राऊत यांनी दिली आहे.

Edited By : Krushnarav Sathe