Vinayak Raut News : त्यांच्या गमजा, लाचारी, भाजपनं केवळ भुंकण्यासाठी पाळलं; राणेंचा बाजार उठवणार : विनायक राऊत

- विनायक वंजारे

Vinayak Raut News : बारसू रिफायनरी प्रकल्पावरुन (barsu refinery) काेकणात राजकीय (kokna politics) घमासन सुरु आहे. आज सिंधुदुर्ग जिल्ह्यात पुन्हा एका खासदार विनायक राऊत (vinayak raut) यांनी राणे पितापुत्रावर निशाणा साधला. रिफायनरीच्या विराेधात असणा-या पाच गावात नारायण राणेंनी (narayan rane) पाय ठेवून दाखवावे असे आव्हान खासदार विनायक राऊत यांनी दिले आहे. (Maharashtra News)

खासदार विनायक राऊत म्हणाले नारायण राणेंनी स्वतःचा इतिहास आठवावा. त्यांनी थाेडं भूतकाळात जायला हवं. रिफायनरी विरोधात तेव्हा केवढ्या गमजा मारल्या होत्या, केवढे मोठे मोर्चे काढले होते. पण राणे आत्ता सत्तेच्या लाचारीसाठी केवळ रिफायनरीचे समर्थन करीत आहेत.

नारायण राणेंच्यात हिंमत असेल तर त्यांनी रिफायनरीला विराेध होत असलेल्या पाच गावात पाय ठेवून दाखवावा असे खूलं आव्हान विनायक राऊत यांनी दिले आहे.

खासदार विनायक राऊत यांनी नितेश राणे यांच्यावर देखील टीका केली. ते म्हणाले नितेश राणेंना राजकारणातली अक्कलदाढ अजून यायची आहे. नितेश राणेंना फक्त उद्धव ठाकरेंवर व उद्धव बाळासाहेब ठाकरेंच्या शिवसेनेवर भुंकण्यासाठी भाजपने पाळल आहे. दरम्यान येणाऱ्या विधानसभा निवडणुकीत नितेश राणेंचा बाजार उठवणार असा इशारा देखील राणेंना खासदार विनायक राऊत यांनी दिला.

Edited By : Siddharth Latkar