Monsoon 2024 News: मान्सूनचे ‘या’ दिवशी होणार केरळात आगमन; महाराष्ट्रात मोसमी पाऊस कधी येणार?

Monsoon Weather News: महाराष्ट्रातील शेतकऱ्यांसाठी आनंदाची बातमी आहे. यंदा लवकरच चांगला पाऊस होण्याची शक्यता आहे. कारण, वेळेआधीच मान्सूनचे केरळात आगमन होणार आहे.
Monsoon 2024 News in Marathi
Monsoon 2024 News in MarathiSaam TV

दुष्काळ तसेच पाणीटंचाईचा झळा सहन करणाऱ्यांसाठी आनंदाची बातमी आहे. यंदा लवकरच चांगला पाऊस होण्याची शक्यता आहे. कारण, वेळेआधीच मान्सूनचे केरळात आगमन होणार आहे. केरळनंतर महाराष्ट्रातही मान्सून लवकरच दाखल होईल. त्यामुळे पिण्याच्या पाण्याचा प्रश्न मिटेल आणि खरीप हंगामातील पेरणीही वेळेत होऊ शकते.

Monsoon 2024 News in Marathi
Rain Alert : मुंबई, ठाण्यासह राज्यातील 'या' भागात कोसळणार तुफान पाऊस; IMD कडून अलर्ट, वाचा वेदर रिपोर्ट

भारतीय हवामान खात्याने यासंदर्भातील माहिती दिली आहे. देशात एल निनोचा प्रभाव कमकुवत होत असून ला निनाची स्थिती सक्रिय होत आहे. यामुळे यंदा चांगल्या मान्सूनसाठी (Monsoon Weather) अनुकूल स्थिती असल्याचं हवामान खात्याने सांगितलं आहे.

दुसरी चांगली गोष्ट म्हणजे, ला निना बरोबरच हिंद महासागरातही कमी दाबाचा पट्टा तयार होतोय. हवेच्या दाबाची ही परिस्थितीही चांगल्या मान्सूनसाठी अनुकूल आहे. परिणामी यावेळी नैऋत्य मान्सून वेळेआधीच (Monsoon 2024 News) अंदमान-निकोबारमध्ये दाखल होईल.

आयएमडीच्या अंदाजानुसार, यंदा १९ मे रोजी मान्सून अंदमान निकोबारमध्ये दाखल होऊ शकतो. त्यानंतर पुढच्या १० दिवसांत तो केरळमध्ये येऊ शकतो. ३१ मेपर्यंत मान्सून संपूर्ण केरळला व्यापण्याची शक्यता आहे. त्यानंतर पुढील ४ दिवसांत तो महाराष्ट्रात दाखल होईल.

यंदा मान्सून वेळेआधीच केरळात दाखल होण्याचा अंदाज आहे. मागील ५ वर्षांची आकडेवारी बघितली तर, २०१९ मध्ये ८ जून रोजी मान्सून केरळात दाखल झाला होता. २०२० मध्ये १ जूनला मान्सून केरळात आा. २०२१ मध्ये ३ जून रोजी मान्सूनचे केरळात आगमन झाले. २०२२ – २९ मे, २०२३ – ८ जून आणि २०२४ मध्ये ३१ मेपर्यंत मान्सून केरळात दाखल होण्याचा अंदाज आहे.

Monsoon 2024 News in Marathi
Maharashtra Weather Update: उद्या कोकणासह मध्य महाराष्ट्र आणि मराठवाड्यात मेघगर्जनेसह पाऊस, हवामान खात्याचा अंदाज

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com