MNS Vaibhav Khedekar: मनसे नेते वैभव खेडेकर पुन्हा अडचणीत; अटकेची टांगती तलवार?

>> जितेश कोळी

MNS Vaibhav Khedekar News खेड : कोकणातील (Konkan) मनसेचे नेते आणि माजी नगराध्यक्ष वैभव खेडेकर हे पुन्हा अडचणीत सापडले आहेत. गणेशोत्सव काळातील (Ganpati Festival) लॉटरी प्रकरणात ते गोत्यात आले होते. आता याच प्रकरणात त्यांच्या अडचणी पुन्हा वाढल्या आहेत.

समाज कल्याण विभागाच्या सहायक आयुक्तांनी खेडेकर यांच्याविरोधात खेड पोलीस ठाण्यात तक्रार दाखल केली आहे. त्यानुसार, त्यांच्याविरोधात गुन्हा नोंदवण्यात आला आहे. त्यामुळे खेडेकर यांच्यावर अटकेची टांगती तलवार कायम असल्याची शक्यता व्यक्त केली जात आहे.

गणेशोत्सवातील लॉटरी प्रकरणावरून मनसे नेते वैभव खेडेकर हे अडचणीत सापडले आहेत. या प्रकरणात खेडेकर यांना मुंबई उच्च न्यायालयाने कालच अटकपूर्व जामीन मंजूर केला होता. यानंतर आज, समाज कल्याण विभागाचे रत्नागिरीच्या सहायक आयुक्तांनी खेडेकर यांच्याविरोधात फसवणुकीची तक्रार केली आहे.  (Maharashtra News)

सहायक आयुक्तांच्या तक्रारीनुसार खेड पोलीस ठाण्यात खेडेकर यांच्याविरोधात गुन्हा नोंदवण्यात आला आहे. त्यामुळे खेडेकर यांना अटक होण्याची शक्यता व्यक्त केली जात आहे.

काय आहे प्रकरण?

मुंबई उच्च न्यायालयाने काल शुक्रवारी मनसे नेते वैभव खेडेकर यांना अटकपूर्व जामीन मंजूर केला होता. गणेशोत्सवातील लॉटरी प्रकरणात खेडेकर यांच्याविरोधात गुन्हा दाखल करण्यात आला आहे. त्यामुळे त्यांच्या अटकेची शक्यता व्यक्त केली जात होती. या प्रकरणात अटकेपासून सरंक्षण मिळावे यासाठी खेडेकरांनी उच्च न्यायालयात धाव घेतली होती.

गणेशोत्सव काळातील लॉटरी प्रकरणी खेडेकर यांच्यावर गुन्हा दाखल होता. या प्रकरणात त्यांच्या अटकेसाठी पोलीस त्यांचा शोध घेत होते. गुरुवारी या प्रकरणात मनसेच्या तीन पदाधिकाऱ्यांनाही पोलिसांनी अटक केली होती.