MNS Rally: भरपावसात मनसेची स्वप्नपूर्ती रॅली; पोलिसांकडून मनसैनिकांची धरपकड

Chhatrapati SambhajiNagar: छत्रपती संभाजीनगर नामांतराच्या समर्थनार्थ मनसेने शहरात स्वप्नपूर्ती रॅली काढली. या रॅलीला पोलिसांनी परवानगी नाकारली होती. मात्र, मनसेनं भरपावसातही रॅली काढली. यावेळी कार्यकर्त्यांनी जोरदार घोषणाबाजी केली.

परवानगी नसतानाही मनसेने काढलेली रॅली पोलिसांनी रोखली. त्यामुळं आक्रमक झालेल्या कार्यकर्त्यांनी पुन्हा जोरदार घोषणाबाजी केली. त्यानंतर पोलिसांनी मनसैनिकांची धरपकड केली. (Latest Marathi News)

छत्रपती संभाजीनगर असं नामकरण करण्यात यावं अशी मागणी तीन दशकांहून अधिक काळापासून होत होती. अखेर औरंगाबादचे छत्रपती संभाजीनगर नामकरण करण्यात आले. छत्रपती संभाजीनगर नामकरणाची स्वप्नपूर्ती झाल्यामुळं मनसेने रॅली काढण्याचा निर्णय घेतला होता. मात्र, त्याला पोलिसांनी परवानगी नाकारली.

परवानगी नाकारल्यानंतर रॅली काढणारच अशी ठाम भूमिका मनसेने घेतली होती. त्यानुसार मनसे कार्यकर्ते संस्थान गणपतीची आरती करून भरपावसात विभागीय आयुक्तालय कार्यालयाकडे निघाले होते. त्याचवेळी पोलिसांनी रॅली अडवली. त्यानंतर मनसेचे कार्यकर्ते आक्रमक झाले. त्यांनी जोरदार घोषणाबाजी केली. पोलिसांनी तात्काळ कार्यकर्त्यांनी धरपकड सुरू केली.

मनसे कार्यकर्त्यांच्या रॅलीला अडवल्यामुळे ते आक्रमक झाले. त्यांनी जोरदार घोषणाबाजी केली. एकीकडे एमआयएमचे खासदार इम्तियाज जलील यांच्या रॅलीला तुम्ही परवानगी देता, तर आम्ही शांततेने रॅली काढतो, तर तिला का अडवता, असा सवाल मनसेकडून उपस्थित केला. पोलिसांनी मनसे जिल्हाध्यक्षांसह कार्यकर्त्यांना ताब्यात घेतलं आहे.