Mumbai Goa Highway News: महाराष्ट्र नवनिर्माण सेनेचे अध्यक्ष राज ठाकरे यांच्या आदेशानंतर मनसैनिक आता आक्रमक झाल्याचं पाहायला मिळत आहे. मुंबई-गोवा महामार्गाचं काम करणाऱ्या कंपनीच्या कार्यालयाची मनसे जिल्हाध्यक्ष देवेंद्र गायकवाड यांनी तोडफोड केली आहे.
मांगावमधील चेतक सन्नी कंपनीचं कार्यलय त्यांनी फोडलं आहे. तत्पूर्वी काही वेळापूर्वीच राज ठाकरे यांचा मेळावा झाला होता.
या मेळाव्यात त्यांनी मुंबई-गोवा महामार्गावर आंदोलन करण्याचे आदेश कार्यकर्त्यांना दिले होते. यानंतर लगेचच त्याचे पडसाद उमटल्याचे पाहायला मिळत आहे. (Latest Marathi News)
दरम्यान, आज पनवेल येथे राज ठाकरे यांच्या सभा पार पडली. रस्त्यांवरील खड्ड्यांच्या मुद्द्यावर बोलताना राज ठाकरे म्हणाले की, मला कळत नाही ते चांद्रयान चंद्रावर का पाठवलं आहे. चांद्रयानाचा आपल्याला काय उपयोग आहे. तिथे जाऊन खड्डेच बघायचे आहेत तर ते यान महाराष्ट्रात सोडायचं ना.
राज्यातील लोकांचं मला कौतुक वाटतं. २००७-०८ साली मुंबई-गोवा महामार्गाचं काम सुरु झालं. आतापर्यंत येथे १५ हजार कोटींहून अधिक खर्च झाला आहे. पण रस्ता आहे तसाच आहे, असं राज ठाकरे यांनी म्हटलं.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.