MLA Santosh Bangar's Viral Video : शिंदे गटाचे हिंगोलीचे आमदार संतोष बांगर हे पुन्हा एकदा अडचणीत सापडण्याची शक्यता आहे. कारण, संतोष बांगर यांचा पुन्हा एकदा मारहाण करतानाचा व्हिडीओ सोशल मीडियावर व्हायरल झाला आहे. आता तर बांगर यांनी थेट हिंगोलीत शासकीय तंत्रनिकेतन महाविद्यालयाच्या प्राचार्यालाच मारहाण केली आहे. या संपूर्ण प्रकारामुळे त्यांच्यावर टीकेची झोड उठली आहे. (Latest Marathi News)
डॉक्टर अशोक उपाध्याय असे आमदार बांगर यांनी मारहाण केलेल्या प्राचार्याचे नाव आहे. उपाध्याय हे तंत्रनिकेतन महाविद्यालयातील (Collage) प्राध्यापक महिलांना त्रास देतात, असा आरोप करत बांगर यांनी त्यांना मारहाण केली आहे. मारहाणीची ही घटना १८ जानेवारीला घडली असल्याचं सांगितलं जातंय.
आमदार बांगर हे प्राचार्य उपाध्याय यांना मारहाण करतानाचा व्हिडिओ (Viral Video)आता सोशल मीडियावर तुफान व्हायरल झाला आहे. मागील वर्षभरात आमदार संतोष बांगर यांनी अनेक अधिकारी कर्मचारी व कंत्राटदारांना मारहाण केली आहे आणि आता थेट शासकीय तंत्रनिकेतन महाविद्यालयाच्या प्राचार्यांना महाविद्यालयात जाऊन मारहाण केल्याचा प्रकार उघडकीस आला आहे
या घटनेनंतर आमदार बांगर यांना मारहाण करण्याचा अधिकार कोणी दिला असा सवाल उपस्थित होत आहे. आमदार संतोष बांगर यांची दादागिरी दिवसेंदिवस वाढत असून त्यांना कायद्याचे कुठलेही भान राहिले नाही. त्यामुळे त्यांच्यावर कठोरात कठोर कारवाई करा, अशी मागणी सोशल मीडियाच्या माध्यमातून केली जात आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
