"धर्माच्या नावावर स्वार्थी राजकारण करणाऱ्यांना जनता उत्तर देईल"

सांगली : धर्माच्या नावावर व्यक्तिगत लाभासाठी करत असाल तर महाराष्ट्रातील लोकं काही उत्तर प्रदेशची लोकं नाहीत, त्यांना सर्व कळते. त्यामुळे धर्माच्या नावावर स्वार्थी राजकारण करणाऱ्यांना जनता नक्कीच उत्तर देईल असा टोला कर्जत-जामखेडचे राष्ट्रवादीचे आमदार रोहित पवार (Rohit Pawar) यांनी राज ठाकरेंना (Raj Thackeray) लगावला आहे. (Rohit Pawar on Raj Thackeray)

हे देखील पहा :

मुंबई महापालिकेची (BMC) निवडणूक जवळ आली आहे आणि हेच डोळ्यासमोर ठेवून राज ठाकरे बोलत आहेत. आज सर्वसामान्यांच्या प्रश्नांवर बोलण्याची गरज आहे. मात्र त्याकडे दुर्लक्ष केले जात आहे. धर्म (Religion) हा वैयक्तिक विषय असून त्यावर व्यक्तिगत स्वार्थापोटी राजकारण करणाऱ्यांना उत्तर मिळेलच असे रोहित पवार यांनी म्हटले आहे.

पुढे बोलताना रोहित पवार म्हणाले, २०१९ च्या निवडणुकांवेळी राज ठाकरे भाजपच्या (BJP) विरोधात बोलत होते. पण, आता त्यांची भाषणं ऐकली तर ते भाजपाचेच म्हणणे बोलत आहेत. भाजप पोलखोल यात्रेवर दगडफेक झाली होती, यासंदर्भात पवार म्हणाले, भाजपवाले बऱ्याच यात्रा काढत असतात. त्यांची भूमिका कायम दुटप्पी असते.

Edited By : Krushnarav Sathe