Alibaug MLA Accident : अलिबागचे आमदार महेंद्र दळवी यांच्या कारला अपघात

सचिन कदम, रायगड

mla mahendra dalvi car accident :

अलिबागचे आमदार महेंद्र दळवी यांच्या कारला अपघात झाल्याची घटना घडली आहे. रायगडमधील मुरुड तालुक्यातील उसडी येथे ही अपघाताची घटना घडली आहे. या अपघातात आमदार दळवी सुखरुप आहेत. पण या अपघातात एका मोटार सायकलस्वाराचा मृत्यू झाला आहे. (Latest Marathi News)

मिळालेल्या माहितीनुसार, अलिबाग मतदारसंघाचे आमदार महेंद्र दळवी यांच्या कारला अपघात झाल्याची घटना घडली. आमदार महेंद्र दळवी यांच्या कारची दुचाकीला धडक बसली. या अपघातात दुचाकीस्वार जागीच ठार झाला. जासीम अब्दुल रहेमान पासवारे असं मृत व्यक्तीचं नाव आहे. रायगडच्या मुरुड तालुक्यातील उसडी येथे ही अपघाताची घटना घडली. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आमदार महेंद्र दळवी आगरदांडा येथे कार्यक्रमासाठी जात होते. या कार्यक्रमासाठी जात असताना आमदार दळवी यांच्या कारला अपघात झाला. या अपघातातील जासीम अब्दुल रहेमान पासवारे यांच्या मृत्यूबाबत आमदार दळवी यांनी दु:ख व्यक्त केलं.

आमदार महेंद्र दळवी किरकोळ जखमी

शिंदे गटाचे आमदार महेंद्र दळवी यांच्या कारला रायगड जिल्ह्यामधील उसडी गावातील टोल नाक्याजवळील तळारोड जवळ अपघात झाला. एका दुचाकीस्वाराने आमदार महेंद्र दळवी यांच्या धडक दिल्याने अपघात झाला. या अपघातात दुचाकीस्वार ठार झाला. तर आमदार महेंद्र दळवी किरकोळ जखमी झाले आहेत.

अपघात झाल्यानंतर दुचाकीस्वाराला रुग्णालयात हलविण्यात आलं. तर महेंद्र दळवी यांनाही रुग्णालयात हलविण्यात आले. पोलिसांनी या अपघात प्रकरणी प्राथमिक चौकशी सुरु केली आहे.

भंडाऱ्यात भरधाव वेगाने जाणाऱ्या कारची भिंतीला धडक

भंडारा शहरातील राजीव गांधी चौक ते नागपूर नाका या रस्त्यावर नागपूरकडे भरधाव वेगाने जाणाऱ्या कारचा अपघात झाला. भरधाव कारने एका दुकानाच्या भिंतीला धडक दिली. सुदैवाने या अपघातात कोणतीही जीवितहानी झाली नाही. मात्र कार भरधाव वेगात असल्याने भिंतीला खड्डा पडला आहे. यासोबतच कारचा पुढचा भाग तुटून कारच्या एअर बॅग देखील उघडले.