नाशिकच्या मुंडेगावातील सेंट्रल किचनची आमदार हिरामण खोसकर यांच्याकडून पाहणी करण्यात आली. यादरम्यान, आश्रम शाळेतील मुलांना निकृष्ट दर्जाचे अन्न मिळत असल्याचं उघड झालं. मात्र, १३ डिसेंबरला आदिवासी विकास मंत्री नाशिक दौऱ्यावर होते, सेंट्रल किचनमध्ये उत्कृष्ट दर्जाचे अन्न मुलांना देण्यात येत असल्याचा खुलासा त्यांनी केला. हाच खुलासा केल्यानंतर खोसकर नाराज झाले असून, सॅम्पल घेऊन वरिष्ठ नेत्यांना भेटणार असल्याचं त्यांनी सांगितलं.
मुंडेगावातील सेंट्रल किचनची राष्ट्रवादी काँग्रेसचे आमदार हिरामण खोसकर यांच्याकडून पाहणी करण्यात आली होती. त्यानंतर आश्रम शाळेतील मुलांना निकृष्ट दर्जाचे अन्न मिळत असल्याचं उघड झालं. पण आदिवासी विकास मंत्री अशोक ऊईके यांनी पाहणी दौऱ्यावर असताना, या ठिकाणी उत्कृष्ट दर्जाचे अन्न मुलांना देण्यात येत असल्याचा खुलासा केला.
हाच खुलासा केल्यानंतर आमदार हिरामण खोसकर यांनी मंत्री अशोक ऊईके यांच्यावर नाराजी व्यक्त केली. मंत्री अशोक ऊईके हे अधिकारी आणि ठेकेदाराला पाठीशी घालत असून, आदिवासी मंत्र्यांनी अधिकाऱ्यांना आणि ठेकेदाराला तंबी द्यायची सोडून मलाच खोटं ठरवण्याचा प्रयत्न केला असल्याचा आरोप खोसकर यांनी केला आहे.
नाराजी व्यक्त केल्यानंतर विभागीय आयुक्तांची भेट घेत या प्रकरणाची उच्चस्तरीय चौकशी करण्याची करणार असल्याचं खोसकर यांनी सांगितलं. तसेच निकृष्ट दर्जाचे अन्न आदिवासी मुलांना देण्यात येत असल्याचा पुरावा घेऊन, मुख्यमंत्री देवेंद्र फडणवीस आणि उपमुख्यमंत्री अजित पवार यांची भेट घेत त्यांना या संदर्भातील माहिती देणार, असं खोसकर म्हणाले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.